Yus Kanta
Kuítrinchan Yus ayampriniaiti
113 ¡Naṉkamantuiti Jiuwá!
Jiuwá takarin árumna nútirmeka shiir awajsatarum.
Jiuwá naari̱ shiir awajsatarum.
2 Yamaiya̱ ju̱yá̱ juárnakin
tuke Jiuwá naari̱ shiir awajnásti.
3 Etsa̱ yama jiinia nuyá̱ naṉkamamutak akaana ímianaisha
Jiuwá náari̱nkia shiir awajnásti.
4 Ju̱ nuṉkanam nisháa aents matsatainia núja̱i̱ṉkia naṉkamantuiti Jiuwaka.
Ni páantniuri̱nkia nayaimpir nayaimpir naṉkakaiti.
5 ¿Yaki ii Yusri̱ya tímianait?
Warí Jiuwá akupeakur pujutái̱ri̱ṉkia nayaimpiniam awai.
6 Tura tímianiaṉ Yus nayaimpincha tura nuṉkancha tsuntsumá iyawai.
7 Yus kuítrinchan nuṉkaya̱n inianteawai
tura takurmakcha nuna tsuat ajaptai̱nmaya̱n pujuinia nuna aṉkant awajniuiti,
8 tura nú takurmakcha ainia nuna náakam awajás akupniu uchirí̱ matsatmanum péṉker apujenawai, kame akupniu uchirí̱n ni pépruri̱n apujenawai.
9 Tura nuwa̱ takuchua nuna uchin takus ní shuari̱n wainiak waras “Maa nukuach ajasjai” tití tusa Niṉki tsaṉkatniuiti.
¡Naṉkamantuiti Jiuwá!