Yus Kanta
Ejiptunmaya̱ jiinkimiu enentáimtamu
114 Israer shuar Jakupa shuari̱
yajaya̱ Ejiptu nuṉkanmaya̱ jíintrarmia nui̱ṉkia
2 Jutaka Yus Shiir Awajtai̱ Je̱e̱ ajasmai
tura Israer shuarnumka Yus akupkámai.
3 Nayantsaka Nin wainkia ánik pisarmai
tura Jurtan éntsaka úkumur waketkimiai.
4 Naintcha murik áishmaṉka núnisaraṉ nanten ajakármai
tura naint tépeprachisha murik uchichia núnisaraṉ nanten ajakármai.
5 ¿Warí urukamtai nayantsá pisarmam
tura amesha Jurtaná urukakmea úkumprusha waketkimiam?
6 Tura náintirmesha maa, ¿urukamtai murik uchichia núnisrumsha nanten ajakniuram
tura atumsha tépetratirmesha murik uchichia núnikiuram?
7 Jiuwá íimmianum nuṉká tákeer ajata.
Tura Jakupa Yusri̱ wantinkiamtai muchitkiata nuṉká.
8 Tura Nisha uunt muchiṉnumia̱ entsa pajamtai̱ najanamiayi
tura uunt kayanmaya̱ṉ entsan waa awajsámiayi.