Yus Kanta
Yus ni shuari̱n ayamprawai
Kantamtikniun súak ju̱ kanta Tawit áaruiti.
14 Aents netse ainia nuka “Yuska peṉké atsawai” tu enentáimiainiawai.
Kame peṉké yajauch ajasáru ásar peṉké mui̱jmiainian túruiniawai.
Yaaksha péṉkeran túrinkia atsawai.
2 Kame Uunt Yus aentsun Winia nekara enentáimtursamniasha áwash tusa
nayaimpinmaya̱ṉ íimiayi.
3 Antsu Yusai̱ya̱ kanakiar mash ti yajauch enentáintin ajasáruyayi.
Kame péṉkera túrin chikichkiksha peṉké atsumiayi.*
4 Tunáa takarin ainia nu umitmaktinian wakeruiniak shuar apatku yua nútiksaran
Uunt Yusnaka páchitsuk wi shuaran amuinia nuna yajauch túramuri̱n
¿nékainiatsuatska? Nékainiajanta.
5 Antsu péṉkera túrin ainia nuja̱i̱ Yuska tuke pujuwiti.
Tuma ásar yajauch shuar ainia nuka sapijmiainiak kuraṉkartatui.
6 Antsu wáitnenmaitirmin atumí chichame̱ wishikraruiti.
Túmaitkiusha Uunt Yusai̱ weankattarme.
7 ¡Iisiá, Seúnnumia̱ uwemtikkiartin Israer shuaran aṉkant awajsaṉka peṉker ainti!
Kame ni shuari̱ achirar yajá yaruakman Uunt Yus awakearmataiṉkia
Jakupusha tura ni shuari̱sha warastin ártatui.