Yus Kanta
Áishmaṉ Yusan péṉker enentáimtin
Ju̱ kanta Tawit áaruiti.
15 Maa, Uunt Yusá, Ame Shiir Awajtai̱ Je̱e̱mincha ¿yaki pujusaint?
Ámin akantúkma náintrumincha ¿ya pujusminiait?
2 Enta, ya esetar naka wekaak nekasa nuja̱i̱ métek túrana nu
núnisaṉ ni enentái̱ji̱a̱i̱ nekasa nuna chichana nu nui̱ṉkia pujusminiaiti.
3 Tsanumcha ni írutkamuri̱ncha itiurchat awajcha
tura niin ayam pujuiniana nunasha itit awajcha nu nui̱ṉkia pujusminiaiti.
4 Nuyá̱ netse aents iisar muí̱jkiamaitiat Uunt Yusan ashamainian shiir awajin
núnisaṉ Yus íimmianum jú̱naka nekas umiktatjai tusa
niṉki itiurchat awajmámkasha yapajcha nu nui̱ṉkia pujusminiaiti.
5 Kame kuítian íkiamuk núkap patakam awaṉturkitia ticha
tura umitmákcha makumí tutai kuítian achichua nu nui̱ṉkia pujusminiaiti.
Ju̱na mash túrinia nu Yusai̱ya̱ṉka peṉké umuchkiachmin pujustatui.