Yus Kanta
Nupetmaktai tusar Yus seamu
Ju̱ kantan Tawit kantamtikniun áatraiti.
20 Jiuwá wait ajá pujamin anturtamkati,
tura Jakupa Yusri̱ naari̱ ayamprutmakti.
2 Yus Shiir Awajtai̱ Je̱a̱nmaya̱ yaintmakti
tura Seúnnumia̱ waitmakti.
3 Ame Yus susamu ana nuna kajinmáttsuk enentáimturti tura taṉku takamtsuk
aestuamua nuna péṉkeraiti tití. (Séraj)
4 Ame enentáim wakerana nuja̱i̱ métek suramsati
tura ame túratin enentáimtamna nunasha umirtamkati.
5 Ame uwemtikkiartutairmiji̱a̱i̱ iikia warastatji
túrar ii Yusri̱ naari̱ pachisar tarach takuittiaji.
Jiuwá ashí ame seamurmiṉkia umirtamkati.
6 Yamaikia nékajai Jiuwá Níniun anaikiamua núnaka uwemtikniuiti
tura nayaimp Yusna akantúkma ana nuya̱ṉ ánturui
nuya̱ṉka untsuur uweje̱ kakarmari̱ji̱a̱i̱ yáiṉtatui.*
7 Kame chíkich ainia nuka mánitiai kárunak ti enentáimtuiniawai tura chíkichkia kawain ti enentáimtuiniawai.
Antsu iikia ii Yusri̱ naari̱ Jiuwá enentáimtaji.
8 Tura niṉkia tikishi̱ ipijiátkam iniainiawai
antsu iikia tariarar wajaji.
9 ¡Jiuwaá, uwemtikrata!
tura Úunt Akupin ii untsuktatjinia nú tsawantinkia anturkartukti.