Yus Kanta
Yus enentáimtakur káshik seatin
Ni uchirí̱ Apsarúnai̱ya̱ pisar wekas ju̱ kantanka Tawit áaruiti.
3 ¡Maa Uunt Yusá winia nemasrusha tí nukap kawentrukarai!
Tura winia kajertuinia nuka untsurí áiniawai.
2 Untsurí aents chichartuiniak
“Yuska uwemtikrashtatui” turutainiawai. (Séraj)*
3 Túrasha Ámeka Uunt Yusá tantara núnisam téntakam winia ejatkáme.
Tura Ámeka winia tsáapnintruitme tuma asam wíniaka ikiakátme.
4 Uunt Yusrun yainkiai tusan seamjai
túram Seun náinniumia̱ Ni náintri̱ya̱ nui̱ ái̱rkamai. (Séraj)
5 Warí Uunt Yus shiir waitiu asamtai tepesan kanarnash shintiarjai.
6 Tuma asamtai winia jatetkátaj tusar aents nekapmarchamnia téntatkarmataisha ashamkachartatjai.
7 Maa Uunt Yusru íirsam uwemtikrurta.
Winia nemasur ainia nuka mishanam awatiáruitme
túram Yusan enentáimtichu ainia nuna nai̱sha akararuitme.
8 Uwempratniuka Úunt Yusai̱ya̱iti.
¡Ame shuarum ainia nui̱ Ame péṉker yumiṉkrumka ártí! (Séraj)