Yus Kanta
Uunt Yus anaikiamu akupniu pujutái̱ri̱n pujamu
2 ¿Urukamtaitsuk uunt nuṉka mátsatkamunmaya̱sha charaatum ajainia?
¿Tura urukamtai ashí nuṉkanmaya̱ aents antra nuna enentáimiainia?*
2 Warí ashí nuṉkanmaya̱ úunt akupniusha tura peṉkeri̱sha wajarar
Úunt Yusnasha Ni Anaikiamuri̱ncha iruntrar kajerkar chicharainiak*
3 “Yus tura Ni Anaikiamuri̱ji̱a̱i̱ jiruja̱i̱ jiṉkiatmá pujurtamajnia
nuyá̱ tsuriarar iikia aṉkant ajasártai” tiártatui.
4 ¡Tuíniakuisha Uunt Yus nayaimpiniam pujana nu nincha wishikrartatui!
5 Nuiṉkia niin suíran ti kaje̱ntuk chicharkartatui.
Nuja̱i̱ awakkar nupetkartatui.
6 Warí Winia akantúrkamu naintrui̱ Seúnnum Winia akupniúrnaka Wiki anaikia apujsaitjiai títiatui.
7 Wi Uunt Yus akupeana nuna ujakáran paant awajtúsartatjai.
Uunt Yus chichartak “Ame winia uchiruitme.
Túmaitkiui yamaikia Wikia ame ápaitjiai.*
8 Winia seattiá. Seatkumni̱ṉkia áminiu átinia nuna ashí nuṉkan amastatjai.
Tura ame pujustinian nuṉka náṉkatra tímianai susattajme.
9 Tura ashí nuṉkanam ame akupeamurmesha jiruja̱i̱ métek ti kakaram nupetkachmin átatui.
Nu asamtai ichiṉkian ijiakratniua nútikiam tsai̱ tsai̱ awajsattame” túrutui.
10 Tuma asamtai yamaikia úunt akupniutirme̱sha péṉker enentáimpratarum.
Maa, ashí nuṉkanmaya̱ sumamtikniutirmesha Uunt Yus chichartamprumna nu nakitrairap.
11 Kame Uunt Yus ashamamuja̱i̱ ni wakeramuri̱ tuke umirtiarum
tura awajira̱i̱j tusarum anearum shiir awajtiarum.
12 Kajekmatai wárik jáka̱i̱j tusarum ni Uchirí̱sha shiir awajsatarum.
¡Kame ashí Nin enentáimtuinia nuka shiir enentáimias warasmin áiniatsuk!