Yus Kanta

Naṉkamantu Yusá, Ame náaram shiir awajkur kantampruátin ti péṉkeraiti.

 2 Núnisaṉ Ame waitnenkartutairam tuke káshik tura Ame nekasaitmena

nusha tuke kashi étserkur

 3 arpa tias neturmaja̱i̱ tura tuntuitiai̱ neturmaja̱i̱

nuyá̱ chíkich arpa yaitiasar tuntuitiai̱ji̱a̱i̱ kantampruátin péṉkeraiti.

 4 Ame najankamurmiji̱a̱i̱ Jiuwáa ti nekas waramtikrusuitme.

Ame uwejmiji̱a̱i̱ najankamu wáinkiun waraajai.

 5 ¡Jiuwáa Ame najankamurmeka imiá uunt áiniawai!

Tura Ame enentáimmiarmesha nekaatin ti itiurchataiti.

 6 Aents nétseka núnaka nékatsui

tura náṉkamas enentáimniua nuka nekaatniun jeatsui.

 7 Yusan umircha ainia nu núpa̱a̱ya núnis pampaaksha

tura ashí yajauchin túruinia nuka warirí̱ṉkish ashí takakkush emesnak tuke amunkartatui.

 8 Túrasha Jiuwá Ámeka Ashí tuke Naṉkamakuitme.

 9 Jiuwá ti nekas Ame nemasrumka,

ee, ti nekas Ame nemasrum amukártatui.

Ashí yajauchin túruinia nuka tsakiṉmakma ártatui.

10 Antsu wíniaka kampunniunmaya̱ waaka imianú kakaram awajtústatme.

Túrutam wíniaka tí peṉker asuitiji̱a̱i̱ ukatrurtatme.

11 Tura winia jí̱ruka winia nemasrun núpetman íistatui.

Winia kuíshruka yajauchin túrin charaatum ajainiamun anturkattui.

12 Yusan enentáimtinkia tintiukia núnis kuku̱jruktatui.

Tura Ríwianunmaya̱ sétur numia núnis esaram yakí̱ tsakartatui.

13 Nu shuar Jiuwá Je̱e̱n arakma ártatui.

Ii Yusri̱ Je̱e̱ á̱a̱ri̱n kuku̱jrukartatui.

14 Tura weamsasha nerekartatui.

Tunamárcha saṉkutak ártatui;

15 tuma ásar Jiuwá winia ayamprutniuiti

tura Niṉkia yajauch túrutai̱sha atsá asamtai aya nákakea nuna túriniaiti tu etserkartatui.