Anenaitiai̱ Kanta

 2 “Winia aneamurka nuṉkach uchichiniam kuṉkuin kuku̱j arakman ajarí̱n iyak ririu kuṉkuinian juwak murikrí̱n ayurataj tusa akatúkmiai.

 3 Wikia winia aneamurnaitjiai tura winia aneamurka wíniaiti.

Niṉkia ririu kuku̱j írunmanum murikrí̱n ayureawai.”

 4 “Winia ekentruá, ámeka shíirmachitme maa Tirsa peprua tímianuitme

tura Jerusaréṉka tímiatrusar wakerú ajamaintme.

Suntar awakkachmin péṉker pekamas wininia tímianuitme.

 5 Wini̱ya̱ṉka yajá íimsata. ¿Urukamtai? Auka ji̱mi awaktuiniawai.

Ame intiashchirmeka chipiu áishmaṉ untsurí

Karaata ayantánmari̱n tepetar ajainia núniniaiti.

 6 Ame naí̱chirmeka untsurí murik nijiakmatainmaya̱ wáakainia núniniaiti.

Ashí mash jímiampraru áiniawai.

Tura chikichkisha petsachuka atsuiniawai.

 7 Ame jí̱chirmeka tsatsapchiji̱a̱i̱ nukumásam kranatu nakakma núnis

yapichirmeka mái̱ tsamapkarin áiniawai.

 8 Sasaintia áiniawai úunt akupniu nua̱ri̱nkia

tura uchaintia áiniawai ni apatramuri̱nkia.

Tura nuwa̱ch natsachikia nekapmarchamniaiti.

 9 Nuyá̱ chikichkiti winia yámpitschirka imiá peṉkeri̱nkia.

Úunt akupniu nua̱rí̱ armia nusha tura apatramuri̱sha niṉkia naṉkamantu awajiármiayi.

Nuwa̱ natsachisha wáinkiarmiayi tura nekas shíiraiti tu tiármiayi.

10 ‘¿Yait tsawa̱a̱k tsáapin awajeana nútikia

tura nantua núnin shíirmachia ju̱sha,

etsa̱ etsantar tsáapin awajna aitkia ju̱sha,

tura suntar mániktaj tusa iwiarnarua núninia ju̱sha?’

11 Paká ajaruí̱ namp nerekariash tusan iyutaj tusan wémajai.

Tura úwasha tsapainiawash

kranatu* nere̱n kuku̱jruiniawash tusan akatúkmiajai.

12 Aya aneachma winia enentái̱r Aminiatápa káruri̱n ajapén wajáa nuní̱ enentáimjiai.”

13 “Waketkim tatá, waketkim tatá maa Suramnumia̱ nuwá̱.

Waketkim tatá, waketkim tatá ii awajtiatjame.”

“¿Suramnumia̱ nuwa̱nmasha warí iyarum?

¿Jímiar matsamkamua ániuchuk wáintrum?”