Riwiitikia
Repra aya̱shniumia̱ suṉkur
13 Uunt Yussha Muisaisan Araunja̱i̱ chicharainiak jú̱nis tímiayi. 2 “Aents aya̱shnium earuitkiuisha nuíchuka kuímiari̱ seserkayat aya̱shnium wiya nujatar ajainiakuiṉkia ántsaṉ repra suṉkura núniniaitkiuiṉkia Yúsnan pujurin Araun pujana nui̱, nuíchuka Arauna uchirí̱nkisha júkitniuiti. 3 Nui̱kia nu túrunamtai Yúsnan pujurin nú aentsun warí suṉkurak achikia tusa íirsatniuiti tura ni kuímiari̱n ure̱ puju ajasuitkiuiṉkia núnisaṉ namaṉke̱ yunáa wa̱a̱ juákuitkiuiṉkia repra suṉkuraiti tinia imiatkímpraiti títiatui.*
9 Tura yaaksha repra suṉkuran achimiákua núniniaitkiuiṉkia Yúsnan pujurin pujana nui̱ itiatniuiti. 10 Nuyá̱ aya̱shnium putsú ear pátur numpir ajas ure̱ puju ajasún wainkianka 11 Yúsnan pujurin ju̱ka repra suṉkur achirmákai tinia imiatkímpra ajasu asamtai nui̱ṉ apujsashtatui. 12 Tura Yúsnan pujurin iis repra suṉkur nu arant nawe̱nmaya̱ juarki̱ aya̱shnium ashí amúan 13 ataksha péṉker iis nekáa Yúsnan pujurin aya̱shnium amúan wainkiaṉka repra suṉkurnumia̱ṉka imiatkincha ajasuíti títiatui. Kame ashí aya̱shnium puju ajasu asa imiatkinchaiti. 14 Tura ataksha suṉkur nantari numpinpit ajattsaru wáitniakka imiatkímpra ajastatui. 15 Nuyá̱ Yúsnan pujurin iis nekáa numpinkiar aja wainiak repra suṉkuran achimiáku asa imiatkímpraiti títiatui. 16 Núnisaṉ aya̱shnium numpinkiar ajasma atak puju ajasmataiṉkia Yúsnan pujurin pujamunam tátiniaiti. 17 Nuyá̱ Yúsnan pujurin iis nekáa repra suṉkurnumia̱ puju ajasún wainkiaṉka imiatkincha ajasuíti títiatui.
18 13:18-44 Yáakesh kuímiarkamunmancha esaamunmaṉkesh tura warí urukamunmaṉkesh chimiayat ear kapan peemprukmanum ure̱ puju ajasmatainkia Yúsnan pujurniunam wétiniaiti. Túram imiatkímpraiti.
45 Repra suṉkuran achimiákua nuka pushiri̱ ja̱a̱ku susunar wene̱n núji̱a imiai jaanchji̱a̱i̱ epenak jiṉkiamá kakantar chichaak ‘Imiatkímpraitjiai’ ajatniuiti. 46 Repra suṉkuran achimiak imiatkímpra mui̱jmiai̱ ajasu asa péṉker ajaamam matsamkamunmaya̱ arant niṉki pujustiniaiti” tímiayi Uunt Yus.*