Yus Kanta

tuma asamtai ju̱na túrattajai tiarka umirtamkartiniaiti.

 2 Warí, seamusha Ámeka ántame

tuma asaakmin ashí iwiaaku ainia nuka aya Aminiak e̱a̱tmakartatui.

 3 Winia tunaaruk itit awajtak nupettuktasa wakerawai

túrasha winia umishtairsha Ámeka tsaṉkurtame.

 4 Aents Ame je̱e̱min pujusat tusar Ame achikma Aminí̱ weamkaka ti shiir awajsamuiti.

Yúsnan akantúkma Uunt Je̱e̱n tí peṉker írunna nui̱ apujsar nútsumtikrar waramtiksamu ártatui.

 5 Ashí nuṉka náṉkatramunam matsatáinia nú

tura ti arant nayantsanam pujuinia nusha péṉker átinian Ámin nákarmainiawai.

Uwemtikkiartin Yusá Ame nekasa nuja̱i̱ métek péṉker túrutairmiji̱a̱i̱ nekaachmin ainia nú túrakum iinkia iniaikiartusuitme.

 6 Ámeka kakaram asam

Ame kakarmarmiji̱a̱i̱ naintcha najankam apujram umuchrachmin awajraitme.

 7 Tura nayants úu ajak tampari̱ téter ajakuisha

núnisaṉ nuṉkanmaya̱ aents charaatum ajainiakuisha

Amek mitia awajniuitme.

 8 Tuma asamtai nuṉka náṉkatramunam ashí aents matsatáinia nuka Ame túrutairam nekaachmin áiniana nuna ti ashamainiawai.

Tsawantcha tsawa̱a̱kui tura kí̱akui̱sha Amek tí peṉker enentáimtiksam ti shiir warasmaja̱i̱ kantamtikiainiame.

 9 Nuṉkasha wekaatusa iisam yumi yutumtikiam entsa ukatme

túram tí peṉker awajsam shiir neremtikme.

Yusa entsarí̱ piak awai.

Túram Ame wakerakum yumi akuptúkam tríkiusha ti péṉker neremtikiainiame.

10 Kame táukmari̱sha jampemtikme

túram táurmanumaani̱ entsa akupeame

tura yumi yutumtikiam miniarmatai shiir tsapamtikme.

11 Ashí uwisha Ame waitnenkartutairmiji̱a̱i̱ tí nukap amaame

tura Ame sukartamna nusha tí nukap pímiawai.

12 Tura kampuntin atsunum yumi yútakui sa̱a̱ksha tsapawai

túmakui̱ naint ayantántu áiniana nuka shiir warainiawai.

13 Sá̱a̱kniumka murik enetak írunui

tura pakanmaṉka yurumak nerekáru írunui.

Warí tí warainiak charaatum ajainiak kantamáiniawai.