Yus Kanta
Kánakur Yus áujsatin
Tawit kantamámu
4 Yusá, winia ayamprutin asam wi waitsa pujai̱sha ji̱i̱rkimiame.
Tura asam wi untsuamka ái̱rkata.
Núnismek seajmena nu waitnentruram anturtukta.
2 Tura aentstirmesha antra nu aneakrum
tura waitia nu e̱a̱krumsha
winia naar imiá yajauch awajsatniusha
¿urutáitsuk iniaisatarum? (Séraj)
3 Péṉker nekaatarum Uunt Yus ni anaikiamun ánturtsuk.
Tuma asa wi untsúam Nisha anturtuktatui.
4 Yus ashama asarum tunáa túrawairap.
Antsu atumí peakri̱n takamtak tepesrum ti enentáimpratarum. (Séraj)
5 Tura Yus winia tunaarun tsaṉkurturat tusarum taṉku áestuatarum.
Tura Yusai̱ni̱ṉ enentáimsatarum.
6 Untsurí aents chichainiak “¿Yaki iincha nekas péṉkera nuna iniakturmastaji?
Tura iinkia Uunt Yusá waitnenkartutairam iniakmasta” turamainiawai.
7 Kame nu aents taramak ti warainia nuja̱i̱ naṉkaamas
Ame winia enentái̱rui̱ ti waramtikrame.
8 Warí Uunt Yusá, aya Áminiak enentáimtakui shiir pujustin surame.
Tura asakmin aṉkanniunam tepesan shiir kanartatjai.