Arankartin ata

Yuusa chichame jintinkratma: “Ti shiir chichamtin átiniaitrume” (Kurs. 4:6).

Pablo warinia turamia

Pablo Atenasnumia aentsjai amamkes aujmateak pujawai.

VIDEO: Pablo Atenasnumia aentsun Yuusa chichamen ujainiawai

1. VIDEO iista turutskesh Túramuri̱ 17:22, 23 aujsata. Turam ju anintramu aimkiata:

Atenasnum estatua ti nukap irunun wainiak Pablo itiur enentaimsamia? (Hechos 17:16 TNM aujsata).
Atenasnumia aentsun Yuusa chichamen etserkattsa Pablo arantamujai waritmia?

Pablo turamia nuna wari nekaamniaitiaj?

2. Warintiataj, itiura titiataj, urutai titiataj nui emka enentaimsar aujmateakrinkia aentscha yupichuch anturtamkarminiaitji.

Pablo aintsamek najanata

3. Warintiatam nui emka enentaimsata. Watskea religionna aujmattsatniun nakitiana nu aentsjai aujmateakmeka Yuusa chichameniu turutskesha Jesusna aujmattiasam nakak nuna tichatniuitme.

4. Warik aintsachuiti tip. Aents chichakuinkia tsurinkiaip. Yuusa chichame tana ainis tachakuisha aintsachuiti tip (San. 1:19). Amamkesam antureakmeka warinia enentaimtiniait tura urukamtai nunasha enentaimtiniait nusha nekarattame (Neka. 20:5).

5. Warinkisha nekasen takuinkia wararsattsam ame tamena nuka nekasaiti titia. Aentska wi tajana nuka nekasaiti tu enentaimminiaiti. Ame enentaimiamna aintsan aentscha takuinkia nuna aujmattsam ishichik ishichik Yuusa chichame tana nu nekaatin yainminiaitme.

JUSHA AUJSATA

Neka. 25:15; 2 Ti. 2:23-26; 1 Pit. 3:15