AKANKAMU 4

Yuus Papii aujtutsuk wariniu aujmattsattaj nu titin

Mateo 22:41-45, TNM

ITIURKATTAM? Yuus Papii aujtutsuk wariniu aujmattsatam nu titia.

Urukamtai Yuus Papii aujsattam nui enentaimsata. Yuus Papii aujtutsuk, urukamtai Yuus Papii aujsatniuit tutainkia, Yuus Papiin urakar aujsartatui.

Yuus Papiincha ya aaruit, tui aarmait, ya timia, nu nekaam penker jintiatniuitme.
Tuke Yuusa chichamejain aujmattsata. ‘Yuusan enentaimtiniaitjiai’ tuiniajai aujmatkumka Yuus Papiikia Yuusa enentaimtairi asa Yuusa chichamente tu jintiawarta.
Aents antukarat takumka Yuus Papii aujtusarta. Yuus Papii aujtutsuk wari aujtustatam nujai anintrusta. Tura warijiainsha apatkam aujmatkumka Yuus Papiisha junis tawai timi aujtusta. Turutskesha Yuus papiinium apatkar jintiamu irunna nujainsha jintiawarta.

Warinia nekainia nujai nuya Yuus Papiin nekainiana nujaisha jintiawarta. Tura Yuus Papiin nii nekainiamujai jintiakmesha paant antujat jintiawarta. Nu turakminkia ni nekachmancha penker nekaawartatui.