Penker unuikiartin atin

1 Kurintiunam 9:19-23

ITIURKATTAM? Jintinkratman antuiniaka ti paant nekaajai tu enentaimsarat tusam penker unuikiarturta.

JUTIKIAM NAJANATA:

• Anturtamainiana nu warinia nekainia nuisha enentaimsata. Ni nekainiamu nuke awakekim aujmattsuk warinia ni nekainiatsu nu jintintiawarta.

• Penker unuimiatrata tura warintia jintiattam nui enentaimsata. Wari enentaiyait nu jintiakmeka warinkish nekainiatsna nujai aujmattsamniaitme turutskesha yamaipiat nankaamasuana nu aujmattsamniaitme. Chichaman jintiattajna tura nekainiatsna nuna aujmattsattajna nuya yamaipiat nankaamasu aujmattsattajna nusha apateawash tusam enentaimsatta.

• Warinma Yuusa chichame tana nuna umikiarminiait nu jintintiawarta. Yuusa chichamesha itiura yainkiarminiait nu jintintiawarta. Yuusa chichame tana nuna warinma umikiartiniait tura itiur enentaimsartiniait, warinia turawartiniait, nu jintiawarta. Nuyasha ni warinia nekainia nujai jintiawarta.