AKANKAMU 13

Jutikiata tusar jintiatin

Proverbios 3:21

ITIURKATTAM? Warinma yainminiait nu jintiata. Turam itiur umiktiniait nusha jintintiata.

Aents antukartatna nui enentaimsata. Iwiarnakum pujusam jui enentaimsata: urukamtai ju enentain nekaawarat tusan wakeraj tura warinia warik umikiarminiait nuisha enentaimsata.
Warinia turawartiniait nu paant jintiata. Antuiniaka, “winiash turutea ajawai tu enentaimsartiniaiti”. Jintiamna nu enentain umikiarat takumka paant jintiata.

Yuus papiiniumia nekaamu umiktiniaitme tusam jintiakmeka waitnentamujai kajertsuk jintiata. Yajauch najanin asam waitiame tutsuk, Yuusan nekaki weti tusam tura umirkat tusam ikiakarta. Nunis turamka penkera nuna najanattsa wakeruktatui.