KRISTU AENTS AJASARAT TUSAM YAINTA
AKANKAMU 11
Yupichuch unuiniarta
Yuusa chichame jintinkratma: “Yupichuch nekaamnia chichaktarum” (1 Cor. 14:9 TNM).
Jesús warinia turamia
1. VIDEO iista turutskesh Matéu 6:25-27 aujsata. Turam ju anintramu aimkiata:
Jehová penker waitmaji tusa Jesús warijiai unuikiarturmia?
Jesussha urukamtai chinkijiai yupichuch unuikiarturmia? Aini unuikiarturmiania nusha urukamtai penkerauya?
Jesús turamia nuna wari nekaamniaitiaj?
2. Yupichuch nekaamnia jintiakrinkia aentscha ii unuiniajnia nuna kajinmatkichartatui tura aitkiasan ni iwiakmarincha turawartatui.
Jesusa aintsamek najanata
3. Ti chichasaip. Ame unuiniamuram ame nekamna nu mash jintintiawaip. Antsu papii unuiniamna nui tana aya nuyan aujmattsata. Anintrusmeka unuiniamuram aimkiat tusam nakasta. Tumaitkiusha anintramna nuna aimkiatniun tujinkiamtainkia turutskesha Yuusa chichame tana aitkiasan tachakuinkia ninki paant nekaat tusam ataksha anintrusminiaitme. Unuiniamna nuna nekaamtainkia chikichnium nankaamaktia.
4. Ni nekana nuna pachisam jintintiata. Watskea ame unuiniamuram jakarsha uruktain nuna neka aminiaiti, tuma asamtai ni nekana nuna pachisam jakaru nantakiartatna nuna jintintiamniaitme.
5. Warijiai apatkam unuiniartatam nui enentaimsata. Apatkam unuiniartatmena nu tutsuk juni animiasta:
Apatkan unuiniartatajna nu yupichuchikiai?
Yupichuch nekaattawak?
Apatkan aujmattsattajna nuna warinia nekaska jintiattaj nuna paant nekaatpiash?