KRISTU AENTS AJASARAT TUSAM YAINTA
AKANKAMU 12
Nakak titia
Yuusa chichame jintinkratma: “Asuitisha tura kuṉkuin ukatmamkar shiir enentáimtsujik. Núnisaṉ ii amikri̱ shiir enentáiji̱a̱i̱ jintintramaj nusha ii enentái̱n waramtikiawai” (Neka. 27:9).
Jesús warinia turamia
1. VIDEO iista turutskesh Márkus 10:17-22 aujsata. Turam ju anintramu aimkiata:
Uunt naamka uchipiatauyania nuna uruku asamtaiya Jesús shiir enentaimtimia?
Nu aentsun aneasmajai tura nakak Jesús urukamtai chicharkamia?
Jesús turamia nuna wari nekaamniaitiaj?
2. Ii unuiniamuri yapajniaki wearat takurkia aneasmajai nakak titiniaitji.
Jesusa aintsamek najanata
3. Yuusna turattsa wakeramun itiura ejetukminiait nuna jintintiata.
Tuke iwiaku papiinium Juna turattajai tana nujai jintintiata.
Yuusna najanatasa wakeramu itiura ejetukminiait nuna jintintiata.
Yapajniaki weakui wararsata.
4. Wari urukamtai ame unuiniamuram yapajniaki wetinian tujinminiait nu nekaram yainta.
Juni animiasta:
Unuiniamur imiantinian enentaimchakuinkia urukamtai imiantinian enentaimtsu?
Yaintaj tusan warinia itiurkamniaitiaj?
Ame unuiniamuram warinia najanatniuit nu nakak tura aneasmajai titiaj tusam Jehová seata.
5. Ame unuiniamuram yapajniachkuinkia unuiniamu iniaisata.
Yuusa chichamen unuiniaki weminiashitiaj tusam juni animiasta:
Unuimiatna nuna ni iwiakmarincha aitkiasan turawak?
Iruntainiam pachin weawak tura unuimiana nuna chikich aentsnasha ujawak?
Nukape tsawan Yuusa chichamen unuimiatu pujakuinkia testigo de Jehová ajastinian wakerawak?
Ame unuiniamuram yapajniachu nekaamka ju turata:
Urukamtai yapajniatsu nuna nekaamat tusam yainta.
Urukamtai Yuusa chichame unuiniamu iniaisattam nu arantamujai amamkesam titia.
Ukunmatai ataksha Yuusa chichamen unuimiartasa wakerakka warinia najanatniuit nu paant titia.