AKANKAMU 59
Kajertamainiakui katsuntramniaitme
Nukap aents Yuus enentaimtakrin kajertamiartatji. Yuus enentaimta asakrin ti waitkiarmasarminiaitji. Nu neka asar ashamkatniuashitiaj?
1. Aentscha urukamtai kajertamainiaj?
Yuus papii tawai: “Nekasaiti, shuar Jesukrístuja̱i̱ shiir túrataj tákuṉka ni nemasri̱ áintiam ti wáitsatniuiti” (2 Timiutéun 3:12). Jesuska ju nunkanam najanainiamun najancha asamtai kajerkarmiayi. Iisha ju nunkanam najanainiana nu najantsuji, tuma asamtai naamkaru ainiana nu tura chikich religionnumia aentscha kajertamainiaji (Juaṉ 15:18, 19).
2. Waitkiarmasartatajnia nu tsawan jeatsain yamaisha wari itiurkatniuitiaj?
Jehová yainmaktatji tu enentaimsatniuitji. Tu enentaimsattsar wari itiurkatniuitiaj? Tuke tsawan Yuus seattsar tura Yuusa chichame aujsattsar tsawan ankatniuitji. Nuyasha ii iruntairincha tuke iruntratniuitji. Nu turakur Yuus enentaimta asakrin waitkiarmainiakrincha katsuntrattaji. Ii shuar kajertamainiakrincha katsuntrattaji. Apóstol Pablonka Yuusan enentaimta asamtai ti waitkiasarmiayi. Ni junis timiayi: “Winia yainnia nuka Úunt Yusaiti. Nu asamtai shuar túrutamnia nuna ashamkashtatjai” (Israernum [Hebreos] 13:6).
Yuusa chichame tuke etsereakrikia sapijmiakchattaji. Yuusa chichame etsereakrikia Jehová yainkiattawai tu enentaimsattaji tura aentscha ashamkashtatji (Nekatai̱n Jintinkiartin [Proverbios] 29:25). Yamaiya jui sapijmiatsuk Yuusa chichame etsereakmeka naamkaru ainiana nu Yuusa chichamen etserkarain tusar nakitiainiakuisha iniaisashtatme (1 Tisarúnikianam [1 Tesalonicenses] 2:2).
3. Yuus umiru asakrin waitkiarmainiakrin katsunteakrikia urukattaj?
Waitkiarmasarat tusar wakerichuitji. Waitkiarmainiakrin katsunteakrikia Yuus tuke umirkatin wakerittiaji. Katsuntrashmin nekapeakrin Jehová yainmakrin shiir enentaimtiatji (Sántiak 1:2-4 aujsata). Ii waitiakrin Jehovaka kuntuts enentaimniuiti. Tumaitkiusha ti waitkiarmainiakrin katsunteakrin warawiti. Yuusa chichame tawai: “Antsu péṉker túrawakmin asutiámamtai katsunteakmeka ju̱ka Yusai̱ tí peṉker túrame” (1 Pítiur 2:20). Yuus umiru asakrin waitkiarmainiakrincha katsunteakrinkia Jehová tuke iwiaku pujutniun amastatji (Matéu 24:13).
PENKER NEKAATAI
Yuus umiru asakrin waitkiarmainiakrincha tuke umirkamniaitiajnia nu nekaatai. Nuyasha katsunteakrin Yuussha warinia amastataj nu nekaatai.
4. Amee shuar kajertamainiakuisha katsuntramniaitme
Jehovan enentaimtusarain tusar ii shuar kajertamiarminiaitiajnia nuna Jesús timiayi. Matéu 10:34-36 aujsarum juna aujmattsatarum:
Yaksha Jehovan enentaimtakui ni shuarsha itiurak enentaimiarminiait?
Ainis itiurchatan wainkiarmiania nuna nekaattsarum VIDEO iistarum. Turarum juna aujmattsatarum:
Amee shuar turutskesha ame amikrumkesha Jehová enentaimtustinkia iniaisata turamainiakui wari itiurkaintiam?
Yus Kanta [Salmo] 27:10 nuya Rúkas [Lucas] 18:29, 30 aujsatarum. Jui Yuusa chichame aarma irunna nu chikichkimsarum aujsarum juna aujmattsatarum:
Amee shuar turutskesha ame amikrumkesha kajertamainiakuinkia jui tana nusha itiur ikiakatma?
5. Waitkiarmainiakui Jehová enentaimtamu iniaisaip
Jehovan enentaimtusarain tusar kajertamainiakrin kakartiniaitji. VIDEO iisrum juna aujmattsatarum:
Videonam iisajnia nusha urukamtai ikiakatmaj?
Túramuri̱ [Hechos] 5:27-29 nuya Israernum [Hebreos] 10:24, 25 aujsatarum. Jui Yuusa chichame aarma irunna nu chikichkimsarum aujsarum juna aujmattsatarum:
Naamkaru ainiana nu Yuusa chichamen etserkarain tusar nuya iruntrarain tusar nakitiainiakuisha urukamtai iikia Yuus umirkatniuitiaj?
6. Katsuntratniunka Jehová yainmaktatui
Uchisha tura uuntcha testigos de Jehová ainiana nuka kajerainiamsha katsuntraruiti. Warinia turuiniakua katsuntraruit nu nekaattsarum VIDEO iistarum. Turarum juna aujmattsatarum:
Video iisajnia nui warinia turuiniakua katsuntrarmia?
Rúmanam 8:35 nuya 37-39, tura Yus Kanta [Salmo] 46:1 aujsatarum. Jui Yuusa chichame aarma irunna nu chikichkimsarum aujsarum juna aujmattsatarum:
Jui aujsajnia nui tana aintsan warinkish itiurchat katsuntramniashitiaj?
Matéu 5:10-12 aujsarum juna aujmattsatarum:
Ti waitkiarmainiakrincha urukamtai warastiniaitiaj?
Ti waitkiainiamsha testigos de Jehovaka katsuntraruiti. Amesha katsuntrattame.
CHIKICHKIA JUNIS TINIU AINIAWAI: Wikia ti waitkiarainiakuinkia katsuntrashminiaitjiai.
Yaksha ainis enentaimkiuinkia Yuusa chichame tui aarma ikiakarminiait?
WARI NEKAAM
Ni enentaimta asar waitiakrincha Jehovaka shiir enentaimturmaji. Ni yainmakrin katsuntramniaitji.
Awakeasrik nekaatin
Aentscha urukamtai kajertamainiaj?
Waitkiarmasartatajnia nu tsawan jeatsain yamaisha wari itiurkatniuitiaj?
Warinsha nankaamakuisha Yuusan umirkamniaitjiai urukamtai tu enentaimiam?
NUKAP NEKAATA
Uchi natsamaru suntarnum wetinian nakitiakui sepunam enkeawarmatai Jehová itiur yainmia nu iista.
Yuusa chichame etserkarain tusa nakitiainiamunam pujuiniaksha Kristu aents warinia turawarmia nu nekaata.
Itiurchat akuisha Jehovanu nukap tsawan takakmasuitji (7:14)
Itiurchat akuisha kakaram ajastasam wari itiurkatniuitiam nu nekaata.
Aents kajertamiartatajnia nu tsawan jeatsain yamaik iwiarnarartai (La Atalaya, julio 2019)
Yuus umiru asakrin ii shuar kajertamiartatajnia nu nekaata. Itiurkaria ii shuarjaish penker pujusminiaitiaj nuya Jehovasha umirkamniaitiaj nusha nekaata.
Yuus umireakur itiurchat wainkiursha emki wetiniaitji (La Atalaya, octubre 2017)