AKANKAMU 17
Jesussha urukuit?
Jesús najanmiania nuna tura ni timiania nuna unuimiatkur Jesús tura Jehovasha penker nekaattaji. Jesussha urukuya? Jesusa ainis ataj tusar wari najanamniaitiaj?
1. Jesussha uruku asa ni apari aintsait?
Jesuska nayaimpiniam uwir uwir pujuwiti tuma asa ni apari urukuit nuna unuimiatniuiti. Tuma asa Jesuska Jehová aintsan enentaimniuiti tura iniakmamniuiti (Juaṉ 5:19 aujsata). Jesuska ni apari ainis najanin asa junis timiayi: “Winia waitkia nuka Winia Aparnasha wáinkiaiti” (Juaṉ 14:9). Jesús penker nekaamka Jehovasha penker nekaattame. Jesús aentsun waitnenmiania aintsan Jehovasha amincha waitnenmawai.
2. Jesussha ni aparin anea asa warinia itiurkamia?
“Tura Wikia winia Aparun aneajai tura Ni akuptúrkama nuna tuke túrajai” Jesús tu timiayi (Juaṉ 14:31). Jesús ju nunkanam pujumiania nui ni aparin tuke umirniuyayi. Ti itiurchat nankaamasmia nuisha umirkamiayi. Nuyasha Jesuska ni apariniun etserkatniun wakeriniuyayi tura aintsan chikich aentscha Yuusa amikri ajasarat tusa wakeriniuyayi (Juaṉ 14:23).
3. Jesús aentsun anea asa warinia najanamia?
“Núnisaṉ aentsnasha tí shiir enentáimtuiniajai” Jesús tu tawai (Nekatai̱n Jintinkiartin [Proverbios] 8:31). Jesuska warinkisha surusarat tu enentaimtsuk chikich aentsun ikiakararmiayi tura yainkiarmiayi. Nuyasha kakaram asa tura waitnenkartin asa aentstikia najanachminian najanamiayi (Márkus 1:40-42). Shiir ajau asa mashiniun shiir amajmiayi. Jesús jintinkratmiania nuna antuiniak aentska ti shiir enentaimiarmiayi. Umin ainiana nuna aneaksha ninkia ashi aentsu tumashrin akikmaktaj tusa jakamiayi (Juaṉ 15:13, 14 aujsata).
PENKER NEKAATAI
Jesús urukuya nu penker nekaatai tura Jesusa aintsarik wari najankuria anenkratin tura tsanka aminiaitiaj nusha nekaatai.
4. Jesús ni aparin anenaiti
Jesús Yuusan anemiania aitkiasrik iisha Yuus aneastiniaitji. Rúkas [Lucas] 6:12 tura Juaṉ 15:10 nuya 17:26 aujsatarum. Yuus papii aujsarum juna aujmattsatarum:
Jesús turamiania aintsan iisha Jehová aneakrikia wari turatniuitiaj?
Jesuska ni aparin anea asa aru arumen auj wemiayi.
5. Jesuska waitiainian yainmiayi
Jesuska niniunak enentaimtsuk chikich aentsun yaya wemiayi. Pimpiki pujaksha chikich aentsun yaintinniaka iniaisashmiayi. Márkus 6:30-44 aujsarum juna aujmattsatarum:
Aujsajnia nui tana aintsan Jesussha chikich aentsun itiura yainkiarmia? (Akantramuri 31, 34, 41 tura 42 iistarum).
Jesussha nu aentsnasha urukamtai yainkiarmia? (Akantramuri 34 iistarum).
Jesuska ni apariya ainis iniakmamsamiayi. Nu neka asam Jehovasha urukuiti timiniaitiam?
Jesús turimiania aintsan chikich aentscha itiura yainminiaitiaj?
6. Jesuska tsankaiti
Jesuska warinkisha nukap achiakchaksha tsankauyayi. Iisha Jesusa aitkiasrik tsanka atiniaitji. Túramuri̱ [Hechos] 20:35 aujsarum juna aujmattsatarum:
Wari najankuria warasminiaitji Jesús timia?
VIDEO iisrum juna aujmattsatarum:
Warinkisha nukap achiakchakrisha itiura yaimkiamniaitiaj?
Jusha nekaata
Jehová seakur Jesusa naarijiai seajme ainis seatniuitji tawai Yuusa chichame (Juaṉ 16:23, 24 aujsatarum). Nu turakur Jesús Jehová amikri ajasarat tusa yainmakuitiajnia nu yuminkiakur ainis turattaji.
CHIKICHKIA JUNIS TINIU AINIAWAI: Yuuska aents waitiainiakuisha pachichuiti.
Jesús Jehová ainis iniakmamniuiti tuma asamtai Jehovaka iin enentaimturmaji urukamtai timiniaitiaj?
WARI NEKAAM
Jesuska Jehovan anenaiti tura aintsan aentsnasha anenaiti. Jesuska ni apari ainis iniakmamin asamtai Jesús penker nekaamka Yuussha penker nekaattame.
Awakeasrik nekaatin
Jesús iniakmamsamiania nui enentaimsar iisha Jehová aneakrikia wari najanatniuitiaj?
Jesús iniakmamsamiania aintsan iisha chikich aents aneakrikia wari itiurkatniuitiaj?
Jesusnasha warimpia imiankaska ti shiir iiyam?
NUKAP NEKAATA
Jesús urukuya aintsan atasam ni urukuya nu nekaata.
Jesusa aitkiasrik turawartai (Jesús: el camino, la verdad y la vida, página 317)
Yuus seakrin Jesussha itiura yainmakminiaitiaj nu nekaata.
Jesusa naarijiai seajme urukamtai ainis seatniuitiaj? (La Atalaya, 1 de febrero 2008)
Jesús iirkari urukuya nuna Yuusa chichame aujmateawak?
Jesús nuwa armia nunasha shiir amajniuya nuna wari nekaamniaitiaj?
Yuuska nuwancha arantiniaiti tura ti shiir enentaimtiniaiti (La Atalaya, 1 de septiembre 2012)