AKANKAMU 11
Jintiakrisha wara warat ajatin
Túramu [Hechos] 18:24, 25
ITIURKATTAM? Wara warat jintiakminkia chikitcha antujat nekapeartatui.
JUTIKIAM NAJANATA:
Wari jintiattam nui enentaimsata. Urukamtai nuu chicham jintiattam nui enentaimsam penker iwiarnarta. Chichaakui antuinia paant anturtukarat tusam penker unuimiatrata.
Aents antukartatna nui enentaimsata. Chichaakui turutskesha aujeakui aentscha paant antukarat tu enentaimsata. Nekas tawai tu enentaimsarat tusam itiur titiatam nuisha enentaimsata.
Antujat jintiatniuitme. Nekasapitia tu enentaimsarat tusam antujat aujmattsata. Nekachiat tawai tu enentaimsarain tusam ewejem umuchkiam chichastiniaitme.