LECCIÓN 18
¿Ndixi chindeé yó ñani táʼan yó ta ndoʼo ná tu̱ndóʼó?
República Dominicana
Japón
Haití
Ta yáʼa ña̱ játi̱ví nuu̱ Ñúʼu̱ yóʼo, na̱ testigo Jeová vitiñúʼú vá kasáʼá ná chindeé ná ñani táʼan ná ta kúu ña̱yóʼo. Saʼa̱ ña̱yóʼo naʼa yó ña̱ mííandaa̱ ndisa kiʼvi ini táʼan yó (San Juan 13:34, 35; 1 Juan 3:17, 18). Ta, ¿ndixi chindeé táʼan ná?
Chindeé yó ná xíʼín xu̱ʼún. Na̱ ni̱ si̱kuu kuéntá Cristo ná ni̱ si̱ndoyi ñuu Antioquía ni̱ tandaʼá ná xu̱ʼún nuu̱ ñani táʼan ná na̱ ñuu Judea ta ni̱ sio tama̱ ñuu káa (Hechos 11:27-30). Jaá ní kée ná kivi̱ víti, ta kundaa̱ ini ná ña̱ ñani táʼan ná na̱ iinka̱ ñuu ndóʼo ná tu̱ndóʼó tandaʼá ná xu̱ʼún nuu̱ ná já chindeé ná na xíʼín ña̱ síniñúʼú ná (2 Corintios 8:13-15).
Chindeé yó ná xíʼín ña̱ síniñúʼú ná. Na̱ kuaʼa̱n nuu̱ tein congregación míí nuu̱ kúú tu̱ndóʼó nduku ná ndiʼi na̱ ñani táʼan ná já ndiʼi na ná kandoyi va̱ʼa. Comité na̱ chindeé na̱yóʼo kúú ná si̱ʼa ña̱ kasáʼan ná, ti̱kui̱í, saʼma̱, á ta kúni̱ ná ña̱ ná kunde̱ʼé ñaʼá doctor, ta jaá ní tá síniñúʼú na veʼe nuu̱ koo ná. Kuaʼa̱ na̱ Testigo kuaʼa̱n ná chindeé ná ñani táʼan nu̱ú kúu tu̱ndóʼó, kava̱ʼa ná veʼe na̱yóʼo á kava̱ʼa ná Veʼe nuu̱ nátaka na̱ testigo Jeová, jo kuéntá mií vá na kée na ndiʼi ña̱yóʼo. Saʼa̱ ña̱ va̱ʼa néʼe táʼan na ña̱yóʼo náʼa̱ ña̱ ña̱ ko̱ó iin mií vá na̱ kée tátu̱ʼun na̱yóʼo ta saʼa̱ ña si̱ sini va̱ʼa ná ndixi kée na chúun yóʼo jáchi̱ inuu̱ ini na káchúun na, ta ió iin tu̱ndóʼó vitiñúʼú vá saʼa̱n ná chindeé ñaʼá ná. Ta chindeé ná ñani táʼan na “na̱ kándeé ini Jesús” xíʼín ná, ta jaá ní tá kuu kée ná, chindeé ná java ka̱ na̱yivi ndá religión kúú míí vá na (Gálatas 6:10).
Si̱ʼa yó tu̱ndeé ini nuu̱ ná xíʼín Tu̱ʼun Ndio̱s ta chindeé yó ná na̱ koo va̱ʼa ini ná. Tá yáʼa tu̱ndóʼó ña̱ játi̱ví nuu̱ Ñúʼu̱ yóʼo ña̱ síniñúʼú chááka̱ na̱yivi kíán na̱ kuaʼa̱ yó tu̱ndeé ini nuu̱ ná. Tá yáʼa ña̱yóʼo Jeová Ndio̱s “xíʼo na tu̱ndeé iní káʼno noo̱ yo̱”, ta si̱ʼa si ndeé nuu̱ yó yáʼa yo̱ nuu̱ tu̱ndóʼó yóʼo (2 Corintios 1:3, 4). Saʼa̱ ña̱yóʼo tá taʼvi ini na kaʼvi yó Tu̱ʼun Ndio̱s nuu̱ ná, nuu̱ káʼa̱n ña̱ ndá cháá vá ku̱mani̱ ta Gobierno Ndio̱s ja̱naá ña̱ ndiʼi ña̱ kini ña̱ kée ña̱ na ta iʼvi̱ ini yó ta ndoʼo ini yó (Apocalipsis 21:4).
Ta yáʼa ña̱ játi̱ví nuu̱ Ñúʼu̱ yóʼo, ¿ndiva̱ʼa vitiñúʼú vá saʼa̱n na̱ testigo Jeová chindeé ná na̱yivi?
¿Ndixi si̱ʼa ná tu̱ndeé ini nuu̱ na̱ yáʼa tu̱ndóʼó yóʼo?