Jaá ná kandoyi ñúchí na̱veʼeyó, ¿ndíki̱án xiniñúʼúnyó?

ÑA̱ KÁʼA̱N TU̱ʼUN NDIO̱S

Kujii̱ ini “cháá ka̱ ví na̱ seídóꞌo to̱ꞌon Ndios, ta kée na choon saꞌándáa̱n” (Lucas 11:​28, Tuti yóʼo kúú to̱ʼon Ndios, ta xíʼo ña kuendá saʼa̱ Jesús).

NDIXI CHINDEÉ ÑA̱YÓʼO MIÍYÓ

Miía̱ndaa̱ ndísa kíʼvi̱ ini táʼanyó (Efesios 5:​28, 29).

Koo ña̱ñúʼú xíʼín iin iin táʼanyó (Efesios 5:​33).

Miía̱ndaa̱ ndísa kuuvá kandeé ini táʼanyó (Marcos 10:​6-9).

¿Á MIÍA̱NDAA̱ KUU KANDÍSAYÓ ÑA̱ KÁʼA̱N TU̱ʼUN NDIO̱S?

Kuuvá kandísayó, ná kande̱ʼéyó ivi̱ ña̱ naʼa̱ ña̱ jaá kían:

• Nda̱ miísaʼa̱ ni̱nakani ini Ndio̱s ña̱ ná kandoyi na̱veʼe. Tu̱ʼun Ndio̱s káchi ña̱ “ndijaá na̱veʼe [...] ni̱niʼi̱na kivi̱na” nuu̱ Jeová Ndio̱s (Efesios 3:​14, 15, TNM). Ña̱yóʼo kúni̱ kachi ña̱ ndóyi na̱veʼe jáchi̱ Jeová Ndio̱s ni̱kachi ña̱ ná kandoyina. ¿Ndiva̱ʼa kúni̱ʼi ña̱ ná kundaa̱ iniyó saʼa̱ ña̱yóʼo?

  Nákani ininí saʼa̱ ña̱yóʼo: Ná kachi iniyó ña̱ saxíní iin comida ña̱ va̱ʼa sáʼan ta kúni̱ní kundaa̱ ininí ndixi ni̱kava̱ʼanaña. ¿Yoo nuu̱ ndakatu̱ʼúnní ña̱yóʼo? Nuu̱ mií na̱ ni̱kava̱ʼaña, ¿á o̱ndaa̱?

  Janí, tá kúni̱yó kundaa̱ iniyó ndixi keeyó jaá ná kandoyi ñúchí na̱veʼeyó, ná ndakatu̱ʼúnyó nuu̱ Jeová Ndio̱s miína kúú na̱ xíni̱ va̱ʼa jáchi̱ nda̱ miísaʼa̱ Ndio̱s ni̱kachi ña̱ ná kandoyi na̱veʼe (Génesis 2:​18-​24).

• Ndíʼi ini Ndio̱s saʼa̱yó. Ná nandukúyó ña̱ káʼa̱n Tu̱ʼun Ndio̱s miíyó xíʼín na̱veʼeyó jáchi̱ Jeová Ndio̱s, “kúú na̱ ndíꞌi ini saꞌa̱ ndo̱” (1 Pedro 5:​6, 7). Jeová Ndio̱s kúni̱na ña̱ ná kandoyi va̱ʼayó. Ta ndiʼi consejo ña̱ xíʼona nuu̱yó ña̱ va̱ʼa kuitívá kían (Proverbios 3:​5, 6; Isaías 48:​17, 18).