ÑA̱ SÁNAʼA̱ ÑA̱ 8

¿Ntse na̱ kú na̱ ko̱ néʼe táʼan va̱ʼa síʼín ndióxi̱?

Satanás ña̱ kú Tsimíaʼá kúa̱ ko̱ néʼe táʼan va̱ʼa síʼín Ndióxi̱. Tsimíaʼá kúa̱ iin ángel ñi̱ ndukiñi iñia̱ síʼín Ndióxi̱ Jeová. Ko̱ kindo̱o táxi̱ Satanás, kuaʼa̱ ntsiva̱ʼa na̱yivi ndoʼo iñi na tsa kua̱chi Tsimíaʼá va kíá. Kiñi ntsiva̱ʼa Satanás, kaʼa̱a̱n ña̱ tu̱ʼún tsa kua̱chi Tsimíaʼá síʼi̱ na̱yivi (Juan 8:​44).

Satanás síʼín sava ga̱ ví ángel ñi̱ ndukiñi iñia̱. Ña̱ kiñi va kúa̱ yóʼo kachí Tu̱ʼun Ndióxi̱. Tsimíaʼá síʼín ña̱ kiñi kándajíá na̱yivi. Satanás síʼín ña̱ kiñi kúñi̱a̱ ña̱ na̱yivi ná ndoʼo iñi na (Mateo 9:​32, 33; 12:​22). Jeová sánaá ra Tsimíaʼá síʼín ña̱ kiñi. Ntsee cháá vá kivi̱ kindo̱o nuu̱ ña̱ kiñi síʼín Tsimíaʼá tsa e̱satauʼvi̱ ga̱a̱ na̱yivi ñuyíví yóʼo (Apocalipsis 12:​12).

Tú kúñi̱ yó kaneʼe táʼan va̱ʼa yó síʼín Ndióxi̱, ná e̱kée yó ña̱ kúñi̱ Tsimíaʼá. Satanás síʼín ña̱ kiñi kándajíá Ndióxi̱ Jeo­vá. Tsa kúñi̱a̱ ña̱ ná e̱kaneʼe táʼan va̱ʼa yó síʼín Ndióxi̱. Ña̱kán, siñiñúʼú yó kásin yó ña kú ña̱ kee yó: á ña̱ kúñi̱ Jeo­vá á ña̱ kúñi̱ Tsimíaʼá. Tú kúñi̱ yó koo yó ntsisaá kivi̱ siñiñúʼú yó kee yó ña̱ kúñi̱ Ndióxi̱. Satanás síñi̱ va̱ʼa̱n ñixi sándaʼvía̱ na̱yivi tsa kúchúá ntsisaá nuu̱ ña̱ʼa já ná kee na̱yivi ña̱ kúñi̱a̱. Tsa saá sándaʼvía̱ kuaʼa̱ na̱yivi (Apocalipsis 12:9).