TAʼNDÁ 1

¿Ñixi kuu kunijo̱ʼo yó ña̱ káʼa̱n Ndio̱s?

Nu̱ú Tu̱ʼun Ndio̱s va̱si ña̱ káʼa̱n Ndio̱s xíʼín yó (2 Timoteo 3:16)

Ndá noo̱ nakaa Ndio̱s andivi, ni̱ kachúunsi java ta̱ jaá ni̱ taara ña̱ nakani ini mií Ndio̱s noo̱ Biblia

Ta kúú ndisa Ndio̱s ni̱ kachúun si java ta̱ ta̱a já ni̱ taa ra ña̱ nakani ini mií Ndio̱s nuu̱ iin tutu ii̱. Tutu yóʼo kíán Tu̱ʼun Ndio̱s. Ña̱ kúni̱ʼi ndiva̱ʼo kúú ña̱ va̱si nuu̱án ta kúni̱ Ndio̱s ña̱ ná kundaa̱ ini yó si̱aʼa ña̱yóʼo.

Síni̱ va̱ʼa mií Ndio̱s ndá ña̱ kúú ña̱ kaja va̱ʼa xíʼín yó jáchi̱ mií sí kúú ta ndi̱chí nuu̱ ndikuií va ña̱ʼa. Tá ná kunijo̱ʼo yó ña̱ káʼa̱n Ndio̱s nduu ndichí yó (Proverbios 1:5).

Noo̱ kuaʼa̱ yuʼu̱ tavana̱ Tu̱ʼun Ndio̱s; iin ta̱ kaʼvira Tu̱ʼun Ndio̱s yuʼu̱ káʼa̱n miíra

Kúni̱ Ndio̱s ña̱ ndikuií na̱yivi ná kaʼvi na Tu̱ʼun si. Kivi̱ víti kua̱ʼá nu̱u tu̱ʼun kuu nani̱ʼi̱ yó Tu̱ʼun Ndio̱s.

Tá kúni̱ ní kunijo̱ʼo ní Ndio̱s kánian kaʼvi ní Tu̱ʼun Ndio̱s ta kundaa̱ ini nía̱n.

Na̱yivi ndóyi nuu̱ iníí kúú ñuyíví sinájo̱ʼo na ña̱ ndaa̱ siaʼa̱ Ndio̱s (Mateo 28:19)

Iin testigo Jeová kaʼvira Tu̱ʼun Ndio̱s noo̱ iin ta̱, tá nindiʼí ja̱kuáʼara Tu̱ʼun Ndio̱s xíʼínra

Na̱ testigó Jeová kuu chindeé ná mií ní kundaa̱ ini ní ña̱ káʼa̱n Tu̱ʼun Ndio̱s.

Na̱yóʼo jánaʼa̱ na̱ ña̱ ndaa̱ siaʼa̱ Ndio̱s nuu̱ iníí kúú Ñúʼu̱ ntseʼei̱.

Noo̱ nataka na̱ testigo Jeová ja̱kuáʼana̱ sa̱ʼá Tu̱ʼun Ndio̱s

Ko̱ ña̱ʼa mií vá chiya̱ʼvi ní tá ná jánaʼa̱ na̱ nuu̱ ní. Jaá ni mií ní kuu jákuáʼa ní siaʼa̱ Ndio̱s Veʼe nuu̱ jákuáʼa na̱ testigó Jeová si̱aʼa Tu̱ʼun Ndio̱s.