LECCIÓN 28
Naʼa̱ní ña̱ ndayaʼvi ndiva̱ʼo nuu̱ní ña̱ ni̱kee Jeová xíʼín Jesús saʼa̱ miíní
¿Ndixi kuu ininí tá iin na̱ netáʼan va̱ʼa xíʼínní kemáni̱na miíní iin ña̱ʼa ñúchí ndiva̱ʼo? Miía̱ndaa̱, kujii̱ ndiva̱ʼo ininí ta kúni̱ní naki̱ʼoní ndiveʼe nuu̱ na̱ netáʼan va̱ʼa xíʼínní ña̱ ni̱kemáni̱na miíní. Jeová xíʼín Jesús ni̱kemáni̱na miíyó iin ña̱ va̱ʼaka̱ o̱ju̱ú ña̱ kuu ki̱ʼo na̱yivi nuu̱yó ña̱ kúú: rescate. Ná kande̱ʼéyó ndixi kuu naʼa̱yó ña̱ naki̱ʼoyó ndiveʼe nuu̱ Jeová xíʼín Jesús.
1. ¿Ndiku̱ú iin ña̱ kuu keeyó jaá naʼa̱yó ña̱ ndayaʼvi ndiva̱ʼo nuu̱yó ña̱ ni̱kee Ndio̱s xíʼín Cristo saʼa̱yó?
Tu̱ʼun Ndio̱s káchi ña̱ na̱yivi “naʼa̱ ña̱ ió fe na xíʼínna”—ña̱ kandeé inina, Jesús—kuu koona ndijaá táʼa̱n tiempo (Juan 3:16, TNM). ¿Ndixi naʼa̱na ña̱ ió fe na xíʼín Jesús? O̱ju̱ú sa̱va̱ʼa ña̱ kandísa oo̱nniyó Jesús; janí xíʼín ña̱ ka̱xiyó keeyó ta ndijaá ña̱ kéeyó (Santiago 2:17). Ta naʼa̱yó ña̱ ió ndísa fe yó xíʼín ña̱ káʼa̱nyó ta kéeyó, xíʼín ña̱yóʼo nduu ni̱sisa chááka̱ ña̱ netáʼan va̱ʼayó xíʼín Jesús ta xíʼín Tatána, Jeová (kaʼviní Juan 14:21).
2. ¿Ndá kivi̱ kúú ña̱ ndayaʼvi ndiva̱ʼo kuu naʼa̱yó ña̱ naki̱ʼoyó ndiveʼe nuu̱ Jeová xíʼín nuu̱ Jesús?
Iin si̱kuaá tá kúmani̱ kivi Jesús, ni̱ka̱ʼa̱nna xíʼín na̱ ndíko̱ña ndiku̱ú inga ña̱ʼa kuu keena jaá naʼa̱na ña̱ naki̱ʼona ndiveʼe saʼa̱ ña̱ ni̱naki̱ʼona miína ni̱xiʼi̱na saʼa̱na. Ta ni̱chinduʼuna iin kivi̱ ña̱ kekáʼnoyó iin ña̱ ndayaʼvi ndiva̱ʼo ña̱ naní nuu̱ Tu̱ʼun Ndio̱s “Cena del Señor” ta janí ña̱yóʼo naníña Ná naku̱ʼun iniyó kivi̱ ni̱xiʼi̱ Jesús (1 Corintios 11:20, TNM). Jesús ni̱chinduʼuna kivi̱ yóʼo nuu̱ na̱ apóstol—ta nuu̱ ndijaá na̱ kúú cristiano ndaa̱ ndísa, ña̱ nda̱ kivi̱ yóʼo ta chínuu̱—kánian naku̱ʼun inina ña̱ ni̱naki̱ʼo Jesús miína ni̱xiʼi̱na saʼa̱ nditáʼa̱n na̱yivi. Tá ni̱chinduʼuna kivi̱ yóʼo, Jesús ni̱saʼndana chúun: “Ta daá kee ndó ña̱ yóꞌo, dá ndiko̱ꞌon ini ndo̱ sa̱ꞌá ña̱ ni̱ keei saꞌa̱ ndo̱” (Lucas 22:19). Tá kuaʼa̱nní nuu̱ Naku̱ʼun iniyó kivi̱ ni̱xiʼi̱ Jesús, miíní naʼa̱ní ña̱ ndayaʼvi ña̱yóʼo nuu̱ní ña̱ kíʼvi̱ ndiva̱ʼo ini Jeová xíʼín Jesús saʼa̱yó.
NÁ KUNDAA̱ VA̱ʼA CHÁÁKA̱ INIYÓ SAʼA̱ TEMA YÓʼO
Ná kundaa̱ va̱ʼa chááka̱ iniyó javaka̱ ña̱ʼa kuu keeyó jaá naʼa̱yó ña̱ naki̱ʼoyó ndiveʼe saʼa̱ ña̱ kíʼvi̱ ndiva̱ʼo ini Jeová xíʼín Jesús saʼa̱yó. Ta janí kande̱ʼéyó saʼa̱ ña̱ Naku̱ʼun iniyó kivi̱ ni̱xiʼi̱ Cristo kúú iin ña̱ ndayaʼvi ndiva̱ʼo.
3. Ná naʼa̱yó ña̱ naki̱ʼoyó ndiveʼe saʼa̱ ña̱ ni̱keena saʼa̱yó
Ná káchi ininí ña̱ kandaání nakaa̱ní ini ti̱kui̱í ta ni̱saa̱ iin na̱yivi ni̱ja̱kákuna miíní. ¿Á nandójóní ña̱ ni̱kee na̱yóʼo saʼa̱ní? ¿Á nandukúní ndixi kuu keení naki̱ʼoní ndiveʼe nuu̱ na̱ ni̱kee ña̱yóʼo saʼa̱ní?
Ndijaáyó tavi̱yó saʼa̱ vida yó nuu̱ Jeová. Kaʼvindó 1 Juan 4:8-10 ta kanatúʼúnndó saʼa̱ ña̱ va̱xi yóʼo:
¿Ndiva̱ʼa ña̱ ni̱xiʼi̱ Jesús saʼa̱yó kúú iin regalo káʼno ndiva̱ʼo?
¿Ndixi kuu ininí viti ña̱ ni̱kundaa̱ ininí ña̱ ni̱kee Jeová xíʼín Jesús saʼa̱ní?
¿Ndixi kuu naʼa̱yó ña̱ ni̱kee Jeová xíʼín Jesús saʼa̱yó kúúña iin ña̱ káʼno ndiva̱ʼo nuu̱yó? Kaʼvindó 2 Corintios 5:15 ta janí kaʼvindó 1 Juan 4:11 xíʼín 5:3. Tá ni̱ndiʼi ni̱kaʼvindó versículo yóʼo, kanatúʼúnndó saʼa̱ ña̱ va̱xi yóʼo:
¿Ndixi kuu keeyó jaá naʼa̱yó ña̱ naki̱ʼoyó ndiveʼe sa̱ʼá ña̱yóʼo?
4. Ná keeyó tátu̱ʼun ni̱kee Jesús
Inga ña̱ kuu keeyó jaá naʼa̱yó ña̱ naki̱ʼoyó ndiveʼe kúú ña̱ ná keeyó tátu̱ʼun ni̱kee Jesús. Kaʼvindó 1 Pedro 2:21 ta kanatúʼúnndó saʼa̱ ña̱ va̱xi yóʼo:
¿Ndiku̱ú javaka̱ ña̱ʼa kuu keení jaá naʼa̱ní ña̱ kúni̱ní keení tátu̱ʼun ki̱ʼo ni̱sakee Jesús?
Jesús ni̱sakiʼvi̱ inina saʼa̱ Tu̱ʼun Ndio̱s, ni̱saja̱naʼa̱na saʼa̱ noticia va̱ʼa ta ni̱sachindeéna ndijaá na̱yivi.
5. Ná kekáʼnoyó ña̱ Naku̱ʼun iniyó kivi̱ ni̱xiʼi̱ Cristo
Tá kúni̱ndó kundaa̱ inindó ndíki̱án ni̱kuu tá kúú nu̱ú ni̱kekáʼnona ña̱ kúú Cena del Señor, kaʼvindó Lucas 22:14, 19, 20. Tá ni̱ndiʼi kanatúʼúnndó saʼa̱ ña̱ va̱xi yóʼo:
¿Ndíki̱án nikuu tá ni̱saio ña̱ kúú Cena del Señor?
¿Ndíki̱án kúni̱ kachi pan xíʼín vino kuchúunyó? (Kande̱ʼéndó versículo 19 xíʼín 20).
Jesús kúni̱na ña̱ na̱ discípulo na ná kekáʼnona ña̱ kúú Cena del Señor iin taʼndá nuu̱ iin ta iin kuia̱, tá kivi̱ ni̱xiʼi̱na. Sa̱ʼá ña̱yóʼo, nduʼu̱ na̱ testigo Jeová nátakandu̱ ndijaá kuia̱ jaá naku̱ʼun inindu̱ kivi̱ ni̱xiʼi̱ Cristo, tátu̱ʼun ki̱ʼa ni̱ja̱naʼa̱ miína. Tá kúni̱ndó kundaa̱ inindó ndixi kéendu̱ tá nátakandu̱ naku̱ʼun inindu̱ kivi̱ ndayaʼvi yóʼo, kande̱ʼéndó VIDEO. Tá ni̱ndiʼi kanatúʼúnndó saʼa̱ ña̱ va̱xi yóʼo:
¿Ndíki̱án kéena tá Naku̱ʼun iniyó kivi̱ ni̱xiʼi̱ Jesús?
Pan xíʼín vino kuchúunyó kúúra símbolo oo̱nvá. Pan kúúña tátu̱ʼun yíki ko̱ño Jesús ña̱ ko̱ kua̱china, ña̱ ni̱jo̱kona saʼa̱ nditáʼanyó. Ta vino kúúra tátu̱ʼun nii̱na ni̱xita̱ saʼa̱ kua̱chiyó.
ÑA̱ KÁʼA̱N INGA NA̱YIVI: “Ña̱ kandísa oo̱nyó Jesús, xíʼín ña̱yóʼo kúú sa̱ ni̱ka̱kuvayó”.
¿Ndixi kuu kuchúunní texto Juan 3:16 xíʼín Santiago 2:17 jaá nakaniní ña̱ xiniñúʼúnyó keeyó javaka̱ ña̱ʼa?
ÑA̱ NI̱KATI̱ʼAYÓ
Naki̱ʼoyó ndiveʼe nuu̱ Jesús saʼa̱ ña̱ ni̱keena saʼa̱yó tá naʼa̱yó ña̱ ió ndísa fe yó xíʼínna ta janí tá kuaʼa̱nyó nuu̱ Naku̱ʼun iniyó kivi̱ ni̱xiʼi̱ Jesús.
¿Á naku̱ʼun inión?
¿Ndixi naʼa̱yó ña̱ miía̱ndaa̱ ndísa kandísayó Jesús?
¿Á kúni̱ miíní naki̱ʼoní ndiveʼe nuu̱ Jeová xíʼín nuu̱ Jesús ta naʼa̱ní ña̱ ndayaʼvi nuu̱ní ña̱ ni̱keena saʼa̱ní? ¿Ndixi kúni̱ keení ña̱yóʼo?
¿Ndiva̱ʼa ña̱ ndayaʼvi ndiva̱ʼo kúú ña̱ kuʼu̱nyó nuu̱ Naku̱ʼun iniyó kivi̱ ni̱xiʼi̱ Cristo?
KUU NANDUKÚNÍ JAVAKA̱ ÑA̱ʼA
Kunijo̱ʼoní ndixi kánian chindeé ña̱ ni̱xiʼi̱ Cristo miíyó jaá kuchúun chááka̱yó nuu̱na.
Jesús ni̱kuchúunna yíki ko̱ñona jaá ni̱kekáʼnona Jeová (9:28)
Kati̱ʼaní chááka̱ saʼa̱ ña̱ kúú fe ndísa ta ndixi keení naʼa̱níña.
“Ná kandísayó saʼa̱ ña̱ káʼa̱n Jeová keena” (La Atalaya, octubre de 2016)
Ña̱ ni̱kundaa̱ ini iin ñáʼa̱ ña̱ kúni̱ kachi ña̱ ni̱jo̱ko Jesús miína saʼa̱yó ni̱naja̱maña vida ñáʼa̱ yóʼo. Kaʼviní ña̱ ni̱ndoʼoñá “Vií kuu ini ta kujii̱ ini ña̱ táku̱i ta va̱ʼa ndiva̱ʼo kuu ini viti”.
“Tu̱ʼun Ndio̱s nája̱ma vida na̱yivi” (La Atalaya, 1 de agosto de 2011)
Kande̱ʼéní ndiva̱ʼa cháává kúú na̱ saxí pan ta xíʼina vino nuu̱ ió ña̱ Naku̱ʼun iniyó kivi̱ ni̱xiʼi̱ Jesús.