Tu̱ʼun Ndio̱s xíʼo ta̱ndeé ini nuu̱yó

Inííkúú ñuyíví, ndóyi na̱yivi ndóʼona̱ tu̱ndóʼó ta kée nda̱ʼvían inina̱, ja̱tivian ta ndóʼo inina̱. ¿Á ko̱ oo̱n ndóʼo miíní ña̱yóʼo? Ndá ndixi ka ndóʼo ndiva̱ʼa ininí kée iin kueʼe̱ á ni̱xiʼi̱ iin táʼanní, á káʼánní ña̱ kasandaá iin kivi̱ kandoyi va̱ʼayó. Tu̱ʼun Ndio̱s chindeéña̱yó jaá koo va̱ʼa iniyó.

1. ¿Ndá kúú ña̱ ndátiyó káʼa̱n Tu̱ʼun Ndio̱s saʼa̱?

Tu̱ʼun Ndio̱s nákanian ndiva̱ʼa ió tu̱ndóʼó ñuyíví. Ta, janí, káʼa̱nña̱ iin noticia va̱ʼa ña̱ tu̱ndóʼó yóʼo ndá toóva kooña̱ ta ndiʼivaña̱. Ta Ndio̱s káʼa̱n na̱ xíʼín miíní jaá “kuaʼái ta̱ndeé ini nuu̱ ndó tá ná koo va̱ʼa ndó cháá ga̱ chínuu̱” (kaʼviní Jeremías 29:​11, 12). Ta ña̱yóʼo kuu chindeéán miíyó viti ta kuu ya̱ʼayó tu̱ndóʼó ta kée va̱ʼa ña̱ xíʼínyó. Ta janí ña̱yóʼo ndísa keean ña̱ kujii̱ iniyó ndijaá táʼa̱n tiempo.

2. ¿Ndixi nakani Tu̱ʼun Ndio̱s saʼa̱ ña̱ koo chínuu̱?

Tu̱ʼun Ndio̱s nákanian saʼa̱ ña̱ koo chínuu̱ “Ta o̱ ku̱ú ka̱ na̱, ta ni o̱ kúndaꞌí ka̱ ini na̱, ta o̱ kuáki ka̱ na̱, ta o̱ ndóꞌo ka̱ nío̱ ná” (kaʼviní Apocalipsis 21:4). Ta ndijaá ña̱ jándóʼo iniyó o̱kooka̱ ña̱yóʼo, tátu̱ʼun ña̱ kundáʼvíyó, á kéendava̱ʼana̱ xíʼínyó, á ña̱ kíʼviyó ta xiʼi̱yó. Tu̱ʼun Ndio̱s káʼa̱n ña̱ kandoyi jii̱ ndísayó nuu̱ Ñúʼu̱ yóʼo ndijaá táʼa̱n tiempo nuu̱ ñuyíví sa̱á.

3. ¿Ndíki̱án chindeé miíní kandeé ininí ña̱ ndátiní ña̱ káʼa̱n Tu̱ʼun Ndio̱s?

Kuaʼa̱ na̱yivi ndátina ña̱ ñuyíví yóʼo nduva̱ʼaña, jo ko̱ó miía̱n xíni̱ va̱ʼana ña̱ jaá koo ña̱yóʼo. Jo xíʼín Tu̱ʼun Ndio̱s ko̱ ndóʼoyó jaá. Jo kuuva kandeé iniyó Tu̱ʼun Ndio̱s tá ná jákuáʼa va̱ʼayó ña̱ ndijaá kivi̱ “ni̱ da̱kuáꞌa na noo̱ káꞌa̱n tuti ii̱ Ndios”, ña̱ kúni̱ kachi ña̱, ná jákuáʼayó Tu̱ʼun Ndio̱s (Hechos 17:​11). Ña̱yóʼo kuu chindeéán miíní jaá ka̱xiní á kandísaní ña̱ va̱xi koo chááka̱ chínuu̱.

NÁ KUNDAA̱ VA̱ʼA CHÁÁKA̱ INIYÓ SAʼA̱ TEMA YÓʼO

4. Tu̱ʼun Ndio̱s xíʼo ta̱ndeé ini nuu̱yó ña̱ ndátiyó kandoyi kuiíyó iin nuu̱ Ñúʼu̱ nuu̱ ñúchí koo

Kande̱ʼéní lista káʼa̱n Tu̱ʼun Ndio̱s keena chááka̱ chínuu̱. ¿Ndíká ña̱ kútoó chááka̱ní xininí? Ta ¿ndiva̱ʼa?

Kaʼvindó texto káʼa̱n saʼa̱ ña̱ va̱xina keena ta kanatúʼúnndó saʼa̱ ña va̱xi yóʼo:

• ¿Á káʼánní ña̱ texto yóʼo xíʼo ta̱ndeé ini? Nákani ininí saʼa̱ na̱veʼení xíʼín na̱ netáʼan va̱ʼa xíʼínní, ¿á chindeé taʼani ña na̱?

Nákani ininí ña̱ ndóyiní iin ñuyíví kaá jiʼa:

5. Ta̱ndeé ini xíʼo Tu̱ʼun Ndio̱s nuu̱yó chindeéñáyó jaá kandoyi va̱ʼa chááka̱yó

VIDEO: Ko̱ ni̱sa̱kutoói ña̱ kéendava̱ʼa na xíʼín (4:07)

• Tátu̱ʼun ni̱xininí nuu̱ video, ¿ndixi sa̱kéendava̱ʼana xíʼín Rafika?

• Va̱árá ko̱ ni̱ndiʼi ña̱ ni̱sa̱kéendava̱ʼana xíʼínxí, jo ¿ndixi ni̱chindeéñá Tu̱ʼun Ndio̱s?

Tu̱ʼun Ndio̱s xíʼo ta̱ndeé ini nuu̱yó jaá ya̱ʼayó nuu̱ ndijaá tu̱ndóʼó ndóʼoyó ta o̱kíʼoyó miíyó tu̱ú iniyó. Kaʼvindó Proverbios 17:​22 xíʼín Romanos 12:​12, ta kanatúʼúnndó saʼa̱ ña̱ va̱xi yóʼo:

• ¿Á xininí ña̱ ta̱ndeé ini va̱xi nuu̱ Tu̱ʼun Ndio̱s chíndeéñá miíní viti? Ta ¿ndiva̱ʼa?

ÑA̱ NI̱KATI̱ʼAYÓ

Tu̱ʼun Ndio̱s káʼa̱n ña̱ saa̱ iin kivi̱ jaá kandoyi jii̱yó, ta ña̱yóʼo xíʼo ta̱ndeé ini nuu̱yó tá ya̱ʼayó nuu̱ ndijaá tu̱ndóʼó ndóʼoyó.

¿Á naku̱ʼun inión?

• ¿Ndiva̱ʼa xiniñúʼún na̱yivi ta̱ndeé ini?

• ¿Ndixi káʼa̱n Tu̱ʼun Ndio̱s saʼa̱ ña̱ va̱xi koo chínuu̱?

• ¿Ndixi naki̱ʼo ña̱ ta̱ndeé ini nuu̱ní viti?

KUU NANDUKÚNÍ JAVAKA̱ ÑA̱ʼA

Kati̱ʼa chááka̱ní ña̱ va̱ʼa saʼa̱ ña̱ ndátiní.

“Ta̱ndeé ini: ¿ndeí naniʼyó ñá?” (¡Despertad!, 22 de abril de 2004)

Naniʼi̱ní ndiki̱ʼo ví naki̱ʼoña̱ ta̱ndeé ini nuu̱na̱ kíʼvi kaʼví.

“¿Á kuu chindeé Tu̱ʼun Ndio̱s yó ya̱ʼayó nuu̱ iin kueʼe̱ kaʼví?” (Artículo nuu̱ jw.org)

Tá ndéʼéní video nuu̱ xitana yóʼo, nákani ininí saʼa̱ na̱veʼení ñúchí ndóyina iin ñuyíví sa̱á káʼa̱n Tu̱ʼun Ndio̱s saʼa̱.

Sa̱nde̱ʼéi kivi̱ jaá (3:37)

Kande̱ʼéní tátu̱ʼun ni̱naja̱ma tátu̱ʼun ni̱sa̱ndoʼo iin taa̱ ni̱sa̱kuu activista tá ni̱kundaa̱ inira ta̱ndeé ini xíʼo Tu̱ʼun Ndio̱s.

“Ko̱ xiní ka̱i ña̱ xiniñúʼín najáma̱i ñuyíví” (La Atalaya, 1 de julio de 2013)