¿Ndiva̱ʼa ió kuaʼa̱ ña̱ kini ta ndiva̱ʼa ndóʼo iniyó?

Tá kuu iin tu̱ndóʼó, kuaʼa̱ na̱yivi ndakatu̱ʼúnna “¿Ndiva̱ʼa?”. Jo ña̱ va̱ʼa ndiva̱ʼo kían ña̱ Tu̱ʼun Ndio̱s naki̱ʼoña ta̱ndeé ini nuu̱yó saʼa̱ ña̱ ndakatu̱ʼúnna yóʼo.

1. ¿Ndíki̱án ni̱kee Satanás jaá ni̱kusáʼá ió ña̱ kini ñuyíví?

Ti̱míaʼá, Satanás, ko̱ ni̱xinijo̱ʼoña ña̱ káʼa̱n Ndio̱s. Ta ni̱kutoóán kaʼndaña chúun nuu̱ javaka̱na, sa̱ʼá ña̱yóʼo ni̱chikaa̱ña jini̱ na̱ xinañúʼú ni̱sandoyi—Adán xíʼín Eva—ña̱ janí ná o̱kunijo̱ʼona ña̱ káʼa̱n Ndio̱s. Ta ni̱kandeéán ni̱keena ña̱yóʼo tá ni̱ka̱ʼa̱nña iin ña̱to̱ʼón xíʼín Eva (Génesis 3:​1-5). Ni̱keeán ña̱ ná kukáʼán Eva ña̱ Jeová ko̱ kúni̱na ki̱ʼona iin ña̱ va̱ʼa nuu̱ñá ta ña̱yóʼo kúú iin ña̱ kini kée Ndio̱s ni̱kachián xíʼín Eva. Ña̱ kúni̱ kachi ndijaá ña̱ ni̱ka̱ʼa̱nña kúú ña̱ kujii̱ chááka̱ ini na̱yivi tá ná o̱kunijo̱ʼona ña̱ káʼa̱n Ndio̱s. Tá ni̱ka̱ʼa̱n Satanás xíʼín Eva ña̱ o̱kiviñá, ña̱yóʼo kúú ña̱to̱ʼón kúú nu̱ú ni̱ka̱ʼa̱nña. Sa̱ʼá ña̱yóʼo Tu̱ʼun Ndio̱s káchi saʼa̱ Ti̱míaʼá kúúña “iin ña̱ káʼa̱n ña̱to̱ʼón, ta kúúña tatá ña̱to̱ʼón” (Juan 8:​44, TNM).

2. ¿Ndíki̱án ni̱chikaa̱ ini Adán xíʼín Eva keena?

Jeová ni̱xi̱ʼona kuaʼa̱ ndiva̱ʼo ña̱ va̱ʼa nuu̱ Adán xíʼín Eva. Ni̱kachi Ndio̱s xíʼínna ña̱ kuu kaxína ndijaá kui̱ʼi iin nuu̱ yíto̱ ni̱sika̱a jardín Edén sa̱va̱ʼa nuu̱ iin túʼúnva yíto̱ kían o̱kúu kaxína kui̱ʼi yóʼo (Génesis 2:​15-​17). Va̱árá sa̱ náʼána ña̱yóʼo, ni̱chikaa̱ inina kaxína kui̱ʼi kána nuu̱ yíto̱ yóʼo. Eva “ni̱ tiin van iin kui̱ʼi íin noo̱ yíto̱ ñoó. Ta kúú ni̱ seí vá ñaʼáán”. Ta janí, tá ni̱ndiʼi, Adán “kúú ni̱ seí taʼani ra kui̱ʼi” (Génesis 3:6). Sa̱ʼá ña̱yóʼo ndivína ko̱ ni̱xinijo̱ʼo ña̱ káʼa̱n Ndio̱s. Ta saʼa̱ ña̱ Adán xíʼín Eva sa̱kuuna perfecto, ko̱ kánian kakuuña iin ña̱ kuáchi̱ nuu̱na ña̱ keena chúun saʼndá Ndio̱s. Jo, tá ni̱ka̱xina keena ña̱ kúni̱ miívana, ni̱keena kua̱chi jáchi̱ ko̱ ni̱kuni̱na ña̱ kaʼnda Ndio̱s chúun nuu̱na. Saʼa̱ ña̱ ni̱chikaa̱ inina keena ña̱yóʼo ni̱kusáʼá ni̱ndoʼo ndiva̱ʼo inina (Génesis 3:​16-​19).

3. ¿Ndixi ni̱jati̱viña miíyó ña̱ ko̱ ni̱xinijo̱ʼo Adán xíʼín Eva ña̱ ni̱ka̱ʼa̱n Ndio̱s?

Tá ni̱kee Adán xíʼín Eva kua̱chi, jaá ni̱nduuna na̱yivi kua̱chi, sa̱ʼá ña̱yóʼo ni̱ja̱ya̱ʼana kua̱chi yóʼo nuu̱ nditáʼa̱n de̱ʼena. Tu̱ʼun Ndio̱s káʼa̱n saʼa̱ Adán, ta káchiña: “Ta sa̱ꞌá ña̱ ni̱ ya̱ꞌa iin ta̱a naní Adán ni̱ kee ra kua̱chi, sa̱ꞌá ño̱ó ni̱ ka̱sáꞌá ña̱yuu ndéi ñayuú yóꞌo kée na kua̱chi. Ta sa̱ꞌá ña̱ ni̱ kee ta̱a ñoó kua̱chi, sa̱ꞌá ño̱ó ni̱ xiꞌi̱ ra̱. Dá ni̱ ka̱sáꞌá taꞌani xíꞌi̱ ndidaá kúú ña̱yuu” (Romanos 5:​12).

Sa̱ʼá ña̱yóʼo, ¿ndiva̱ʼa ndóʼo iniyó? Java taʼndá, jáchi̱ ko̱ ka̱xi va̱ʼayó ña̱ keeyó. Ta ingaña, saʼa̱ ña̱ ko̱va̱ʼa kée ingana ndóʼo iniyó. Ta janí, javaka̱ íchi̱, ndóʼo iniyó jáchi̱ nakaa̱yó nuu̱ ndakána kuu iin tu̱ndóʼó (kaʼviní Eclesiastés 9:​11).

NÁ KUNDAA̱ VA̱ʼA CHÁÁKA̱ INIYÓ SAʼA̱ TEMA YÓʼO

4. Ió iin ña̱ kée jaá ndóʼo iniyó

Kuaʼa̱ na̱yivi káʼánna ña̱ Ndio̱s kúú na̱ saʼndá chúun ñuyíví. Jo ¿á ña̱ ndaa̱ kúú ña̱yóʼo? Kande̱ʼéndó VIDEO.

VIDEO: ¿Ndáyoo saʼndá chúun ñuyíví? (1:​24)

Kaʼvindó Santiago 1:​13, TNM xíʼín 1 Juan 5:​19, ta kanatúʼúnndó saʼa̱ ña̱ va̱xi yóʼo:

• ¿Á kua̱chi Ndio̱s kúú ña̱ ió ña̱ kini ta ña̱ ndóʼo iniyó?

5. Ña̱ kuu ñuyíví saʼa̱ ña̱ saʼndá Satanás chúun

VIDEO: ¿Ndiva̱ʼa sóno Ndio̱s ndóʼo iniyó? (iin táʼvi) (3:​07)

Kaʼvindó Génesis 3:​1-6, ta kanatúʼúnndó saʼa̱ ña̱ va̱xi yóʼo:

• ¿Ndiku̱ú ña̱to̱ʼón ni̱ka̱ʼa̱n Satanás? (Kande̱ʼéndó versículo 4 xíʼín 5).

• ¿Ndiku̱ú ña̱to̱ʼón ni̱ka̱ʼa̱n Satanás saʼa̱ Jeová ña̱ ko̱ kúni̱na ki̱ʼona ña̱ va̱ʼa nuu̱ na̱yivi?

• Ndixi ni̱kachi Satanás, ¿á xiniñúʼún na̱yivi kaʼnda Jeová chúun nuu̱na jaá kandoyi jii̱na?

Kaʼvindó Eclesiastés 8:9 ta kanatúʼúnndó saʼa̱ ña̱ va̱xi yóʼo:

• Tein ndijaá tiempo ni̱ya̱ʼa ña̱ Jeová ko̱ saʼndána chúun ñuyíví, ¿ndixi ndóyi na̱yivi?

1. Adán xíʼín Eva ko̱ kua̱china tá ni̱sandoyina nuu̱ Ñúʼu̱ ñúchí, jo ni̱ka̱xina ña̱ kunijo̱ʼona Satanás ta ko̱ ni̱xinijo̱ʼona Jeová.

2. Saʼa̱ ña̱ ko̱ ni̱xinijo̱ʼona Ndio̱s, inííkúú ñuyíví ni̱xi̱ko kua̱chi, ña̱ ndóʼo iniyó ta xiʼi̱yó.

3. Jeová jándíʼina nuu̱ ña̱ kúú kua̱chi, ña̱ ndóʼo iniyó ta ña̱ xiʼi̱yó. Ndijaá na̱yivi nduu tukuna na̱yivi ko̱ kua̱chi ta kandoyina nuu̱ Ñúʼu̱ ñúchí káa.

6. Jeová taiʼvi̱ inina tá xinína ndóʼo iniyó

¿Á ko̱ ndíʼi ini Ndio̱s tá ndóʼo iniyó? Kande̱ʼéní ña̱ ni̱taa rey David xíʼín apóstol Pedro. Kaʼvindó Salmo 31:7 xíʼín 1 Pedro 5:7, ta kanatúʼúnndó saʼa̱ ña̱ va̱xi yóʼo:

• ¿Ndixi kuu ininí ña̱ ni̱kundaa̱ ininí ña̱ Jeová ndíʼi inina tá ndóʼoyó tu̱ndóʼó ta janí ña̱ taiʼvi̱ inina ta ndóʼo iniyó?

ÑA̱ NI̱KATI̱ʼAYÓ

Satanás ta janí Adán xíʼín Eva kúúna kómí kua̱chi saʼa̱ ndijaá ña̱ kini kuu ñuyíví. Ta Jeová taiʼvi̱ ndiva̱ʼo inina tá ndóʼo iniyó ta sa̱ʼá ña̱yóʼo nda̱ chááva kúmani̱ ta jándíʼina ña̱ ndóʼo iniyó.

¿Á naku̱ʼun inión?

• ¿Ndiku̱ú ña̱to̱ʼón ni̱ka̱ʼa̱n Ti̱míaʼá xíʼín Eva?

• ¿Ndixi ni̱jati̱viña miíyó ña̱ ko̱ ni̱xinijo̱ʼo Adán xíʼín Eva ña̱ ni̱ka̱ʼa̱n Ndio̱s?

• ¿Ndiva̱ʼa káchiyó ña̱ taiʼvi̱ ndiva̱ʼo ini Jeová tá ndóʼo iniyó?

KUU NANDUKÚNÍ JAVAKA̱ ÑA̱ʼA

Kundaa̱ ininí ndixi nakani Tu̱ʼun Ndio̱s saʼa̱ ña̱ kúú kua̱chi.

“¿Ndiku̱ú ña̱ kúú kua̱chi?” (Artículo nuu̱ jw.org)

Kaʼviní chááka̱ saʼa̱ tu̱ndóʼó káʼno ni̱kee Satanás nuu̱ jardín Edén.

“¿Ndiva̱ʼa sóno Ndio̱s ndóʼo iniyó?” (La Atalaya, 1 de enero de 2014)

Ña̱ nakani yóʼo xíʼo ta̱ndeé ini ta kástu̱ʼunña saʼa̱ iin ña̱ kuáchi̱ kundaa̱ iniyó.

“¿Ndiva̱ʼa ni̱xi̱ʼo Ndio̱s íchi̱ ña̱ ni̱ndoʼo ini na̱ ñuu judío? ¿Ndiva̱ʼa ni̱ja̱ndákoo Ndio̱s ni̱kuu ña̱yóʼo?” (Artículo nuu̱ jw.org)

Kande̱ʼéní ña̱ ni̱kati̱ʼa iin ta̱a ni̱ndoʼo kuaʼa̱ ndiva̱ʼo tu̱ndóʼó.

Ko̱ ió túʼún ka̱i viti (5:09)