Iin ña̱ kúni̱ʼi chááka̱ va̱xi nuu̱ Tu̱ʼun Ndio̱s kúú ña̱ nakaniña saʼa̱ Reino Ndio̱s. Jáchi̱ Reino yóʼo, kúú ña̱ kuchúun Jeová jaá keena ndijaá ña̱ ni̱kuni̱na koo nda̱ miísaʼa̱ nuu̱ Ñúʼu̱ Ndeʼi̱ yóʼo. ¿Ndíki̱án kúú Reino Ndio̱s? ¿Ndiva̱ʼa náʼáyó ña̱ sa̱ néʼe Reino Ndio̱s chúun? ¿Ndiku̱ú ña̱ sa̱ kandeé Reino Ndio̱s kéeña nda̱ viti? Ta ¿ndiku̱ú ña̱ kandeé Reino Ndio̱s keeña chááka̱ chínuu̱? Nuu̱ lección yóʼo xíʼín nuu̱ ivi̱ka̱ ña̱ va̱xi ki̱ʼoña respuesta sa̱ʼá ña̱yóʼo.

1. ¿Ndíki̱án kúú Reino Ndio̱s, ta ndáyoo kúú Rey ni̱ka̱xi Ndio̱s kaʼnda chúun?

Reino Ndio̱s kúú iin gobierno ni̱chikaa̱ mií Jeová. Ta Rey gobierno yóʼo kúú Jesucristo ta nda̱ indiví saʼndána chúun (Mateo 4:​17; Juan 18:​36). Ta Tu̱ʼun Ndio̱s, káchiña saʼa̱ Jesús: “Kaʼnda Jesús chúun [...] nditáʼa̱n tiempo” (Lucas 1:​32, 33, TNM). Saʼa̱ ña̱ kúú Jesús Rey nuu̱ Reino Ndio̱s, kaʼndana chúun nuu̱ ndijaá táʼa̱n na̱yivi kandoyi nuu̱ Ñúʼu̱ Ndeʼi̱ yóʼo.

2. ¿Ndáyoo kúú na̱ kaneʼe chúun xíʼín Jesús?

Jesús ko̱ néʼe túʼún miína chúun. Kuaʼa̱ “Na̱yivi ndijaá tribu, yúʼu̱, ñuu ta nación […] kaneʼena chúun” (Apocalipsis 5:​9, 10, TNM). ¿Ndijaa̱ kúú na̱ kaneʼe chúun xíʼín Cristo? Nda̱ tá ni̱saio Jesús nuu̱ Ñúʼu̱ Ndeʼi̱ yóʼo, kuaʼa̱ millón na̱yivi ni̱chikaa̱ ini ndíko̱na Cristo, ta kakuuna cristiano. Jo 144.000 kuitívá kúú na̱yivi na̱ ni̱ka̱xi Ndio̱s kuʼu̱n kaneʼe chúun xíʼín Jesús indiví (kaʼviní Apocalipsis 14:​1-4). Ndijaá javaka̱ na̱ kúú cristiano kandoyina ti̱xi ndáʼa̱ Reino Ndio̱s nuu̱ Ñúʼu̱ Ndeʼi̱ yóʼo (Salmo 37:​29).

3. ¿Ndiva̱ʼa Reino Ndio̱s kúú ña̱ va̱ʼa chááka̱ nuu̱ ndijaáka̱ ta̱ néʼe chúun ndóyi ñuyíví yóʼo?

Va̱árá ió java ta̱ néʼe chúun kúni̱ra keera ña̱ va̱ʼa, jo ko̱ nakaa̱ña nuu̱ ndáʼa̱ra ña̱ kandeéra keera ndijaá ña̱ chikaa̱ inira. Ta janí tá yáʼa tiempo nája̱ma tukuvá ta̱ néʼe chúun ta java ta̱yóʼo ko̱ ndiʼi inira ña̱ ndóʼo na̱ ñuura. Jo Jesús, na̱ kúú Rey Reino Ndio̱s, ni iin kivi̱ ko̱ iin miívá nája̱mana, ta chikaa̱na ingana. Ndio̱s Jeová ni̱chikaa̱na “iin reino ña̱ ni iin kivi̱ o̱ndiʼi miívá nuu̱ña” (Daniel 2:​44). Jesús kaʼndana chúun inííkúú nuu̱ Ñúʼu̱ Ndeʼi̱ ta o̱ka̱xina ndáyoo keena ña̱ va̱ʼa xíʼín. Jáchi̱ Jesús kúni̱ ndiva̱ʼona na̱yivi, va̱ʼa ndiva̱ʼo inina ta janí kúúna na̱ ndaa̱, ta jánaʼa̱na nuu̱ na̱yivi ña̱ ná keena tátu̱ʼun ki̱ʼa kée miína: ña̱ ná kúni̱na na̱yivi, ña̱ va̱ʼa ná koo inina ta ná kakuuna na̱ ndaa̱ xíʼín javaka̱na (kaʼviní Isaías 11:9).

4. Iin Reino káʼno ndiva̱ʼo kúú ña̱ kaʼnda chúun inííkúú ñuyíví

Jesucristo kúú na̱ ió kuaʼa̱ ndiva̱ʼo ndee̱ ta janí nakaa̱ña nuu̱ ndáʼa̱na ña̱ kuu kaneʼe va̱ʼana chúun, ña̱ ko̱ kuu kee ni iin ta̱ néʼe chúun ñuyíví yóʼo. Kaʼvindó Mateo 28:​18 ta kanatúʼúnndó saʼa̱ ña̱ va̱xi yóʼo:

• ¿Ndiva̱ʼa chúun ni̱natiin Jesús kúú ña̱ káʼno chááka̱ nuu̱ ndijaáka̱ña natiin ta̱ néʼe chúun ñuyíví yóʼo?

Ndijaá ta̱ néʼe chúun ñuyíví saʼndára chúun nuu̱ cháává na̱yivi ndóyi Ñúʼu̱ Ndeʼi̱ yóʼo ta janí cháává tiempo ta kúú ndiʼivá ña̱ néʼera chúun. ¿Á janí kuu ndoʼo Reino Ndio̱s? Kaʼvindó Daniel 7:​14 ta kanatúʼúnndó saʼa̱ ña̱ va̱xi yóʼo:

• ¿Ndá kúú ña̱ va̱ʼa ña̱ Reino Ndio̱s ni iin kivi̱ o̱ndiʼi nuu̱ña?

• ¿Ndá kúú ña̱ va̱ʼa ña̱ kaneʼe Reino Ndio̱s chúun inííkúú Ñúʼu̱ Ndeʼi̱?

5. Kánian nája̱ma ta̱ néʼe chúun ñuyíví yóʼo

¿Ndiva̱ʼa xiniñúʼúnyó ña̱ ná nája̱ma ndijaá ta̱ néʼe chúun ñuyíví yóʼo ta ná nakaa̱ Reino Ndio̱s? Kande̱ʼéndó VIDEO ta kanatúʼúnndó saʼa̱ ña̱ va̱xi yóʼo:

VIDEO: ¿Ndíki̱án kúú Reino Ndio̱s? (iin táʼvi) (1:​41)

• ¿Ndá tu̱ndóʼó kúú ña̱ kée ndijaá ta̱ néʼe chúun ñuyíví?

Kaʼvindó Eclesiastés 8:9 ta kanatúʼúnndó saʼa̱ ña̱ va̱xi yóʼo:

• ¿Á káʼán miíní ña̱ Reino Ndio̱s kúú ña̱ va̱ʼa chááka̱ kánian kaneʼe chúun ñuyíví yóʼo? Ta ¿ndiva̱ʼa?

6. Ndijaá na̱ kaʼnda chúun nuu̱ Reino Ndio̱s kundaa̱ va̱ʼa inina tátu̱ʼun ki̱ʼa ndóʼoyó

Saʼa̱ ña̱ Rey yó, Jesús, ni̱saiona nuu̱ Ñúʼu̱ Ndeʼi̱, kuu “kundaa̱ va̱ʼa inina ña̱ ndóʼoyó kée kua̱chi” (Hebreos 4:​15, TNM). Jeová ni̱ka̱xina 144.000 na̱ ta̱a xíʼín na̱ ñáʼa̱ ndíta ndaa̱ xíʼínna jaá kaʼndana chúun xíʼín Jesús. Na̱yivi yóʼo ni̱kanana nuu̱ “ndijaá tribu, yúʼu̱, ñuu ta nación” (Apocalipsis 5:​9, TNM).

• ¿Á Kujii̱ ini miíní kundaa̱ ininí ña̱ Jesús ta ndijaá na̱ kaʼnda chúun xíʼínna xíni̱ va̱ʼana ña̱ ndóʼoyó ndóyiyó ñuyíví? Ta ¿ndiva̱ʼa?

7. Ley Reino Ndio̱s kúú ña̱ va̱ʼa chááka̱ o̱ju̱ú ley ta̱a ñuyíví yóʼo

Ta̱ néʼe chúun kava̱ʼara ley saʼa̱ ña̱ kúni̱ra chindeéra ta kandaára na̱ ñuura. Reino Ndio̱s janí ió ley ña, ta na̱ ñuu Ndio̱s kánian kunijo̱ʼona ña̱yóʼo. Kaʼvindó 1 Corintios 6:​9-​11 ta kanatúʼúnndó saʼa̱ ña̱ va̱xi yóʼo:

• ¿Ndixi káʼán miíní koo ñuyíví tá ná saa̱ kivi̱ ña̱ ndijaá na̱yivi kunijo̱ʼona chúun saʼndá Ndio̱s?a

• ¿Ndixi xiníní á kánian kandati Jeová ña̱ na̱ ñuuna ná kunijo̱ʼona ndijaá chúun saʼndá Reino na? ¿Ndiva̱ʼa káʼánní ña̱ jaá kían?

• ¿Ndiva̱ʼa xíni̱yó ña̱ na̱yivi ko̱ xinijo̱ʼo ley yóʼo kuu saa̱na nája̱mana? (Kande̱ʼéndó versículo 11).

ÑA̱ NI̱KATI̱ʼAYÓ

Reino Ndio̱s kúú iin gobierno ndaa̱ ndísa ta nakaa̱ña indiví ta kaʼnda Reino Ndio̱s chúun inííkúú Ñúʼu̱ Ndeʼi̱.

¿Á naku̱ʼun inión?

• ¿Ndáyoo kúú ndijaá na̱ néʼe chúun nuu̱ Reino Ndio̱s?

• ¿Ndiva̱ʼa kúú Reino Ndio̱s iin gobierno va̱ʼa chááka̱ nuu̱ ndijaá ta̱ néʼe chúun ñuyíví yóʼo?

• ¿Ndíki̱án ndáti Jeová ná kee ndijaá na̱ kandoyi ti̱xi ndáʼa̱ Reino yóʼo?

KUU NANDUKÚNÍ JAVAKA̱ ÑA̱ʼA

Kaʼviní ña̱ ni̱ja̱naʼa̱ Jesús saʼa̱ ndeí kakaa̱ Reino Ndio̱s.

“¿Á kúú Reino Ndio̱s iin ña̱ nakaa̱ ini ánima̱yó?” (Artículo nuu̱ jw.org)

¿Ndiva̱ʼa ndíʼi chááka̱ ini na̱ testigo Jeová ña̱ kuita ndaa̱na xíʼín Reino Ndio̱s ta o̱ju̱ú xíʼín ta̱ néʼe chúun ñuyíví yóʼo?

Iin ndíta tuunna xíʼín Reino Ndio̱s (1:​44)

Jákuáʼaní saʼa̱ ña̱ nakani Tu̱ʼun Ndio̱s saʼa̱ na̱ 144.000 na̱yivi ni̱ka̱xi Jeová kaneʼena chúun xíʼín Jesús.

“¿Ndáyoo kúú na̱ kuʼu̱n indiví?” (Artículo nuu̱ jw.org)

¿Ndíki̱án ni̱kundaa̱ va̱ʼa ini iin ñáʼa̱ ni̱sakaa̱ veʼekaa̱ saʼa̱ ña̱ túʼún Ndio̱s vá kúú na̱ kandeé jánduva̱ʼa ñuyíví yóʼo?

“Ni̱kati̱ʼai ndixi kee Ndio̱s jándíʼina nuu̱ ndijaá ña̱ kini ió ñuyíví” (¡Despertad!, noviembre de 2011)

Nda̱ kuia̱ 1914 ni̱kusáʼá Reino Ndio̱s saʼndáña chúun indiví. Ta janí mií kuia̱ yóʼo ni̱kusáʼá ña̱ kúú kivi̱ nuu̱ ndíʼi ña̱ saʼndá ta̱ gobierno ñuyíví yóʼo chúun. ¿Ndiva̱ʼa xíni̱yó ña̱yóʼo? Viti ná kande̱ʼéyó, ndixi ni̱ka̱ʼa̱n Tu̱ʼun Ndio̱s koo chínuu̱, ta ndíki̱án kuu inííkúú ñuyíví yóʼo ta janí tátu̱ʼun ki̱ʼa kakuu na̱yivi nda̱ kuia̱ 1914.

1. ¿Ndíki̱án ni̱ka̱ʼa̱n Biblia koo chínuu̱?

Tu̱ʼun Ndio̱s nuu̱ libro Daniel sa̱ jaá ni̱ka̱ʼa̱nña ña̱ Reino Ndio̱s kusáʼá kanʼdaña chúun tá sa̱ ni̱ndiʼi tiempo ña̱ naní “usa̱ tiempo” (Daniel 4:​16,17). Tá ni̱ya̱ʼa kuaʼa̱ siglo, Jesús janí ni̱kachina saʼa̱ tiempo yóʼo kivi̱ “ni̱ chi̱kaa̱ ini Ndios taó ná ta̱ tu̱kú ñoó”, ta ni̱ja̱naʼa̱na ña̱ tiempo yóʼo kúmani̱ ndiʼiña (Lucas 21:​24). Tátu̱ʼun kande̱ʼéyó, ña̱ kúú usa̱ tiempo yóʼo ni̱ndiʼiña kuia̱ 1914.

2. Nda̱ tá ni̱kusáʼá kuia̱ 1914, ¿ndíki̱án kuu inííkúú ñuyíví ta ndiki̱ʼo kée na̱yivi?

Na̱ discípulo ni̱ndakatu̱ʼúnna Jesús: “¿ndíki̱án naʼa̱ ña̱ ió tukuní ta ndíki̱án naʼa̱ ña̱ sa̱ kuaꞌa̱n ndiꞌi ñuyíví yóʼo?” (Mateo 24:3, TNM). Jaá Jesús ni̱kachina xíʼínna, ta ni̱ka̱ʼa̱nna saʼa̱ kuaʼa̱ ndiva̱ʼo ña̱ʼa kusáʼá koo tá sa̱ ni̱saa̱na kúúna Rey nuu̱ Reino Ndio̱s. Ni̱ka̱ʼa̱nna ña̱, koo ña̱ naá táʼan nación, ta koo tama̱ xíʼín ña̱ ta̱an (kaʼviní Mateo 24:7). Ta janí Tu̱ʼun Ndio̱s ni̱kachi ña̱ tátu̱ʼun ki̱ʼa kee na̱yivi kandoyi “kuu̱ noo̱ ndíꞌí” [kivi̱ nuu̱ ndíʼi] ta janí ni̱ka̱ʼa̱nña “koo nda̱ꞌo ta̱ndóꞌó” (2 Timoteo 3:​1-5). Nda̱ kuia̱ 1914, ta nda̱ viti naʼa̱ káxí ña̱ ki̱ʼa kée na̱yivi ta ki̱ʼa ndóyina kían tátu̱ʼun ni̱ka̱ʼa̱n Tu̱ʼun Ndio̱s.

3. ¿Ndiva̱ʼa ni̱nduu kinika̱ inííkúú ñuyíví nda̱ tá ni̱kusáʼá sanʼdá Reino Ndio̱s chúun?

Tá ni̱ya̱ʼa chááva tiempo ña̱ ni̱nduu Jesús Rey nuu̱ Reino Ndio̱s, ni̱kuu iin guerra indiví, ta ni̱naá táʼan Jesús xíʼín Satanás ta xíʼín demonio ña. Satanás ko̱ ni̱kandeéña xíʼín Jesús ta kúú, tátu̱ʼun káchi Tu̱ʼun Ndio̱s, “ni̱ da̱kána niꞌini na ri̱ ni̱ na̱xino̱ ri̱ nda̱ no̱ñóꞌo̱ xíꞌín ndidaá ángel ti̱” (Apocalipsis 12:​9, 10, 12). Satanás ndukueʼe ndiva̱ʼoña jáchi̱ xíni̱ña ña̱ nda̱ lóʼo̱ ndiva̱ʼa tiempo kúmani̱ ta ndiʼi nuu̱ña. Sa̱ʼá ña̱yóʼo kéeña kuaʼa̱ ndiva̱ʼo tu̱ndóʼó ta jándóʼo ndiva̱ʼoña ini na̱yivi inííkúú Ñúʼu̱ Ndeʼi̱ yóʼo. ¡Sa̱ʼá ña̱yóʼo inííkúú ñuyíví ió kuaʼa̱ ndiva̱ʼo tu̱ndóʼó! Jo sa̱yati ñúʼú va̱xi Reino Ndio̱s jándíʼiña nuu̱ ndijaá tu̱ndóʼó ió ñuyíví yóʼo.

NÁ KUNDAA̱ VA̱ʼA CHÁÁKA̱ INIYÓ SAʼA̱ TEMA YÓʼO

4. Profecía ña̱ ni̱ka̱ʼa̱n Tu̱ʼun Ndio̱s saʼa̱ Reino chindeéña saa̱yó kuia̱ 1914

VIDEO: Reino Ndio̱s ni̱kusáʼá saʼndáña chúun kuia̱ 1914 (5:​02)

Ndio̱s ni̱kee jaá Nabucodonosor, iin rey ni̱saio si̱naʼá ñuu Babilonia, ni̱sa̱nira saʼa̱ iin ña̱ koo chínuu̱. Ta ña̱ ni̱sa̱nira ta ña̱ ni̱nakani Daniel saʼa̱ profecía yóʼo jánaʼa̱ña saʼa̱ ña̱ ndoʼo gobierno Nabucodonosor ta janí saʼa̱ ña̱ kee Reino Ndio̱s (kaʼvindó Daniel 4:​17).a

Kaʼvindó Daniel 4:​20-​26. Tá ni̱ndiʼi kuchúunndó diagrama jaá naki̱ʼondó respuesta nuu̱ ña̱ ndakatu̱ʼún va̱xi yóʼo:

• A) ¿Ndiku̱ú ña̱ ni̱xini Nabucodonosor nuu̱ sa̱nira? (Kande̱ʼéndó versículo 20 xíʼín 21).

• B) ¿Ndíki̱án ndoʼo yíto̱ yóʼo? (Kande̱ʼéndó versículo 23).

• C) ¿Ndíki̱án koo tá sa̱ ni̱ndiʼi “usa̱ tiempo” yóʼo? (Kande̱ʼéndó versículo 26).

Yíto̱ ni̱sa̱nira ta Reino Ndio̱s

PROFECÍA (Daniel 4:​20-​36)

Ña̱ saʼndána chúun

A) Iin yíto̱ jíkó ndiva̱ʼo

Chi̱tivi ña̱ néʼena chúun

B) “Kaʼndandó yíto̱” ta jándákoondó “ná yáʼa usa̱ tiempo”

Ni̱kusáʼá tukuna saʼndána chúun

C) “Natiin tukuón reino”

Ña̱ kúú nu̱ú ni̱xino̱ko̱o profecía:

• D) ¿Ndáyoo ni̱sakuu yíto̱ yóʼo nuu̱ profecía? (Kande̱ʼéndó versículo 22).

• E) ¿Ndá ama ni̱ja̱ndákoora ña̱ saʼndára chúun? (Kaʼvindó Daniel 4:​29-​33).

• F) ¿Ndíki̱án ni̱ndoʼora tá ni̱ya̱ʼa “usa̱ tiempo”? (Kaʼvindó Daniel 4:​34-​36).

ÑA̱ KÚÚ NU̱Ú NI̱XINO̱KO̱O PROFECÍA

Ña̱ saʼndána chúun

D) Nabucodonosor, rey ñuu Babilonia

Chi̱tivi ña̱ néʼena chúun

E) Nabucodonosor ni̱nduu loco ra kuia̱ 606 t.k.k. c.b ta o̱kúuka̱ kaʼndara chúun tein usa̱ kuia̱

Ni̱kusáʼá tukuna saʼndána chúun

F) Nabucodonosor ni̱nduva̱ʼara ta ni̱kusáʼá tukura saʼndára chúun

Ña̱ kúú ivi̱ ni̱xino̱ko̱o profecía:

• G) ¿Ndá na̱yivi ni̱sakuu yíto̱ yóʼo nuu̱ profecía? (Kaʼvindó 1 Crónicas 29:​23).

• H) ¿Ndá ama ni̱ja̱ndákora ña̱ saʼndára chúun? ¿Ndiva̱ʼa xíni̱yó ña̱ ko̱ saʼndára chúun tá ni̱kixi Jesús nuu̱ Ñúʼu̱ Ndeʼi̱ yóʼo? (Kaʼvindó Lucas 21:​24).

• I) ¿Ndeí ta nda̱ ama ni̱kusáʼá tuku gobierno yoʼo saʼndáña chúun?

ÑA̱ KÚÚ IVI̱ NI̱XINO̱KO̱O PROFECÍA

Ña̱ saʼndána chúun

G) Ndijaá ta̱ rey israelita ta̱ ni̱sakuu kuendá gobierno Ndio̱s

Chi̱tivi ña̱ néʼena chúun

H) Ni̱janaána ñuu Jerusalén kuia̱ 607 t.k. k.c.; ni̱sativi ña̱ ni̱sanéʼe ta̱ rey israelita chúun tein 2.520 kuia̱

Ni̱kusáʼá tukuna saʼndána chúun

I) Jesús ni̱kusáʼána saʼndána chúun indiví ta kúúna Rey nuu̱ Reino Ndio̱s kuia̱ 1914

5. Nda̱ kuia̱ 1914 ñuyíví yóʼo ni̱kusáʼá nája̱ma ndiva̱ʼoña

Kande̱ʼéndó VIDEO.

VIDEO: Nda̱ kuia̱ 1914 ñuyíví yóʼo ni̱kusáʼá nája̱ma ndiva̱ʼoña (1:​10)

Jesús sa̱ ni̱ka̱ʼa̱nvana ndixi koo ñuyíví yóʼo ta ná kusáʼá kaʼndana chúun. Kaʼvindó Lucas 21:​9-​11 ta kanatúʼúnndó saʼa̱ ña̱ va̱xi yóʼo:

• Saʼa̱ ndijaá ña̱ káʼa̱n profecía yóʼo, ¿ndiku̱ú ña̱ xiní miíní ió o ndiku̱ú ña̱ xinijo̱ʼoní káʼa̱nna?

Apóstol Pablo ni̱nakanira ndixi kakuu na̱yivi kivi̱ nuu̱ ndíʼi tein saʼndá ta̱a chúun ñuyíví. Kaʼvindó 2 Timoteo 3:​1-5 ta kanatúʼúnndó saʼa̱ ña̱ va̱xi yóʼo:

• Tátu̱ʼun káʼa̱n texto kakuu na̱yivi, ¿ndíki̱án xiní miíní kéena?

6. Ña̱ kundaa̱ iniyó saʼa̱ Reino Ndio̱s ña̱ sa̱ saʼndána chúun, ña̱yóʼo kánian chindeéña miíyó ndíʼi iniyó keeyó ña̱ xíka̱na

Kaʼvindó Mateo 24:​3, 14 ta kanatúʼúnndó saʼa̱ ña̱ va̱xi yóʼo:

• ¿Ndiku̱ú iin ña̱ ndayaʼvi naʼa̱ ña̱ sa̱ saʼndá Reino Ndio̱s chúun?

• ¿Ndixi kuu kee miíní chúun saʼndá Reino Ndio̱s?

Reino Ndio̱s sa̱ saʼndávaña chúun, ta kúmani̱ nda̱ chááva jaá kaʼndaña chúun nuu̱ inííkúú Ñúʼu̱ Ñdeʼi̱. Kaʼvindó Hebreos 10:​24, 25, TNM ta kanatúʼúnndó saʼa̱ ña̱ va̱xi yóʼo:

• ¿Ndíki̱án kánian kee ndiʼiyó saʼa̱ ña̱ “sa̱ kuyati kivi̱ nuu̱ jándíʼi”?

ÑA̱ NI̱KATI̱ʼAYÓ

Profecía va̱xi nuu̱ Tu̱ʼun Ndio̱s ña̱ káʼa̱n saʼa̱ Reino ta ña̱ ió nuu̱ ñuyíví yóʼo naʼa̱ ña̱ sa̱ saʼndáva Reino Ndio̱s chúun. Ta nduʼu̱ naʼa̱ndu̱ ña̱ kandísandu̱ ña̱yóʼo tá kástu̱ʼunndu̱ saʼa̱ Reino Ndio̱s ta janí tá nátakandu̱ congregación.

¿Á naku̱ʼun inión?

• ¿Ndíki̱án ni̱kuu tá ni̱ndiʼi usa̱ tiempo ña̱ ni̱ka̱ʼa̱n libro Daniel?

• ¿Ndíki̱án ni̱kee jaá kandísaní ña̱ Reino Ndio̱s ni̱kusáʼáña saʼndáña chúun nda̱ kuia̱ 1914?

• ¿Ndixi kuu naʼa̱ miíní ña̱ kandísaní ña̱ Reino Ndio̱s sa̱ saʼndáña chúun?

KUU NANDUKÚNÍ JAVAKA̱ ÑA̱ʼA

Kaʼviní ña̱ káʼa̱n java historiador xíʼín java ta̱ ndi̱chí saʼa̱ ndiva̱ʼa ni̱naja̱ma ñuyíví yóʼo nda̱ kuia̱ 1914.

“Tiempo nuu̱ ndijaá ña̱ va̱ʼa viti vitiva ndiʼiña” (¡Despertad!, abril de 2007)

Kande̱ʼéní ndixi ni̱chindeé profecía va̱xi nuu̱ Mateo 24:​14 iin ta̱a.

“Sa̱ kutoó ndiva̱ʼi kujíkí béisbol” (La Atalaya, núm. 3 2017)

¿Ndiva̱ʼa náʼáyó ña̱ profecía va̱xi nuu̱ capítulo 4 libro Daniel káʼa̱nña saʼa̱ Reino Ndio̱s?

“¿Ndá ama ni̱kusáʼá saʼndá Reino Ndio̱s chúun? (Parte kúú nu̱ú)” (La Atalaya, 1 de octubre de 2014)

¿Ndíki̱án naʼa̱ ña̱ “usa̱ tiempo” káʼa̱n capítulo 4 Daniel ni̱ndiʼiña kuia̱ 1914?

“¿Ndá ama ni̱kusáʼá saʼndá Reino Ndio̱s chúun? (Parte kúú ivi̱)” (La Atalaya, 1 de noviembre de 2014)

Reino Ndio̱s sa̱ saʼndávaña chúun. Sa̱yati ñúʼúva nája̱maña kuaʼa̱ ndiva̱ʼo ña̱ʼa nuu̱ Ñúʼu̱ Ndeʼi̱ yóʼo. Ná kande̱ʼéyó java ña̱ʼa va̱ʼa kandeé gobierno yóʼo keeña chínuu̱ ta janí ndiki̱ʼo kujii̱ ini miíní kandatiní ña̱yóʼo.

1. ¿Ndíki̱án kee Reino Ndio̱s jaá ná koo tuku ña̱ va̱ʼa xíʼín ña̱ ndaa̱ nuu̱ Ñúʼu̱ Ndeʼi̱ yóʼo?

Tá ná kasaa̱ guerra Armagedón, Jesús—na̱ kúú Rey nuu̱ Reino Ndio̱s—jánaána ndijáa táʼa̱n na̱yivi kini xíʼín ta̱ néʼe chúun Ñúʼu̱ Ndeʼi̱ yóʼo (Apocalipsis 16:​14, 16). Tá ná kasaa̱ tiempo yóʼo, ña̱ káʼa̱n Tu̱ʼun Ndio̱s va̱xi yóʼo saa̱ña xino̱ko̱oña: “Ndá chááva tiempo kúmani̱, ta na̱ kini o̱kandoyika̱na” (Salmo 37:​10). Tá ná kusáʼána kaʼndana chúun, Jesús keena ña̱ ná nakoo ña̱ va̱ʼa xíʼín ña̱ ndaa̱ inííkúú Ñúʼu̱ Ndeʼi̱ yóʼo (kaʼviní Isaías 11:4).

2. ¿Ndixi kandoyiyó tá ná kusáʼá koo ña̱ kúni̱ Ndio̱s nuu̱ Ñúʼu̱ Ndeʼi̱ yóʼo?

Tixi̱ ndáʼa̱ Reino Ndio̱s kandoyi, “na̱yivi na̱ kée ña̱ ndaa̱ nuu̱ Ndio̱s ta niʼi̱na kandoyina nuu̱ Ñúʼu̱ Ndeʼi̱ yóʼo ndijaá tiempo” (Salmo 37:​29). ¡Nákani ininí ndixiví ñúchí koo tá ná kandoyi na̱yivi va̱ʼa, na̱ kúni̱ Jeová ta kúni̱ táʼanna! ¿Á ko̱ kúúña iin ña̱ ñúchí ndiva̱ʼo? Ko̱ iin miíva kíʼvi̱ ta ndijaá táʼa̱nna kandoyina ndijaá tiempo.

3. ¿Ndíki̱án kandeé Reino Ndio̱s keeña tá ni̱ndiʼi ni̱ja̱naáña nuu̱ na̱yivi kini?

Tá ni̱ndiʼi ni̱ja̱naána nuu̱ na̱yivi kini, Jesús kakuuna Rey 1.000 kuia̱. Tein tiempo yóʼo, Jesús xíʼín na̱ 144.000 na̱ kaneʼe chúun xíʼínna chindeéna ndijaá táʼa̱n na̱yivi jaá o̱kakuuka̱na na̱yivi kua̱chi ta saa̱na kakuuna perfecto. Tá ni̱ndiʼi tiempo yóʼo, inííkúú Ñúʼu̱ Ndeʼi̱ saa̱ña kakuuña iin nuu̱ ñúchí káa, iin nuu̱ kandoyi kuaʼa̱ na̱yivi kujii̱ ini jáchi̱ kunijo̱ʼona ley saʼndá Jeová. Javí Jesús naki̱ʼona chúun nuu̱ Tatána, Jeová. Ta kivi̱ Ndio̱s natiinña ndijaá táʼa̱n ña̱ñúʼú tátu̱ʼun ko̱ oo̱n miíva kéenaña (Mateo 6:​9, 10, TNM). Jaá kundaa̱ inina ña̱ Jeová kúú na̱ va̱ʼa néʼe chúun ta va̱ʼa ndaána na̱ ñuuna. Tá ni̱ndiʼi Jeová jánaána nuu̱ Satanás xíʼín demonio ña, ta janí jánaána nuu̱ na̱ ko̱ xinijo̱ʼo chúun saʼndána (Apocalipsis 20:​7-​10). Ta ndijaá ña̱ʼa ni̱kandeé Reino Ndio̱s ni̱nduu perfecto kooña ndijaá táʼa̱n tiempo.

NÁ KUNDAA̱ VA̱ʼA CHÁÁKA̱ INIYÓ SAʼA̱ TEMA YÓʼO

4. Reino Ndio̱s jándíʼiña nuu̱ ta̱ gobierno ñuyíví

“Ta̱ ta̱a saʼndára chúun nuu̱ inga ta̱a jaá kéendava̱ʼara xíʼínra” (Eclesiastés 8:9). Jeová Ndio̱s kuchúunna Reino na, jaá jánduva̱ʼana ndijaá ña̱ kini kée na̱yivi ña̱ kéendava̱ʼana xíʼín ingana.

Kaʼvindó Daniel 2:​44 xíʼín 2 Tesalonicenses 1:​6-8, ta kanatúʼúnndó saʼa̱ ña̱ va̱xi yóʼo:

• ¿Ndíki̱án kee Jeová xíʼín De̱ʼena, Jesús, xíʼín ndijaá gobierno ñuyíví yóʼo ta xíʼín ndijaáka̱ na̱ chindeé táʼan xíʼínra?

• ¿Ndixi ndundeé ininí saʼa̱ ña̱ sa̱ ni̱kundaa̱ ininí saʼa̱ Jeová xíʼín Jesús ña̱ kee ndaa̱na chúun ta natiin va̱ʼana ndijaá na̱yivi kée ña̱ va̱ʼa?

5. Jesús kúúna iin Rey va̱ʼa ndísa

Tátu̱ʼun Rey nuu̱ Reino Ndio̱s, Jesús, kuaʼa̱ ña̱ va̱ʼa keena inííkúú Ñúʼu̱ Ndeʼi̱. Kande̱ʼéndó VIDEO ta kundaa̱ inindó ndixi ni̱naʼa̱ Jesús ña̱ kúni̱na chindeéna na̱yivi ta Ndio̱s ni̱xi̱ʼona ndee̱ nuu̱na ña̱ kuu keena ndiʼi ña̱yóʼo.

VIDEO: Jesús ni̱naʼa̱na ña̱ kee Reino (1:​13)

Ndijaá ña̱ʼa ni̱kee Jesús tá ni̱saiona nuu̱ Ñúʼu̱ Ndeʼi̱ yóʼo ni̱naʼa̱na ña̱ kee Reino Ndio̱s. Nuu̱ ndijaá ña̱ káʼa̱n Ndio̱s keena va̱xi yóʼo, ¿ndíki̱án kutoó chááka̱ní kuniní kee Ndio̱s? Kaʼvindó ndijaá texto nuu̱ va̱xi ña̱ káʼa̱n Ndio̱s keena.

6. Ndiveʼe Reino Ndio̱s, niʼi̱yó iin ña̱ ndato ndiva̱ʼo chínuu̱

VIDEO: Ña̱ naʼa̱ ña̱ koo chínuu̱ (4:​38)

Kaʼvindó Salmo 145:​16 ta kanatúʼúnndó saʼa̱ ña̱ va̱xi yóʼo:

• ¿Ndixi kuu ininí viti ña̱ ni̱kundaa̱ ininí ña̱ Jeová ki̱ʼona “ña̱ xiniñúʼún inííkúú ñuyíví”?

ÑA̱ NI̱KATI̱ʼAYÓ

Reino Ndio̱s kandeé kee ndijaá ña̱ kúni̱ Ndio̱s. Ta jándúuña Ñúʼu̱ Ndeʼi̱ yóʼo iin ñuyíví ñúchí nuu̱ kandoyi na̱yivi va̱ʼa kekáʼnona Jeová ndijaá táʼa̱n tiempo.

¿Á naku̱ʼun inión?

• ¿Ndíki̱án kee Reino Ndio̱s jaá kekáʼnoña kivi̱ Jeová?

• ¿Ndiva̱ʼa xíni̱ va̱ʼayó ña̱ Reino Ndio̱s keeña ndijaá ña̱ káʼa̱n Tu̱ʼun Ndio̱s?

• Nuu̱ ndijaá ña̱ kee Reino Ndio̱s, ¿ndiku̱ú ña̱ kutoó chááka̱ní kuniní?

KUU NANDUKÚNÍ JAVAKA̱ ÑA̱ʼA

Nandukúní ndíki̱án kúú Armagedón.

“¿Ndíki̱án kúú Armagedón?” (Artículo nuu̱ jw.org)

Kande̱ʼéní ndijaá ña̱ koo tá ná kusáʼa tiempo koo “tu̱ndóʼó káno” (Mateo 24:​21, TNM).

“¿Ndíki̱án kúú tu̱ndóʼó káʼno?” (Artículo nuu̱ jw.org)

¿Ndixi kuu nákani ini ndijaá na̱veʼe ña̱ ñúchí koo tá ná kasaa̱ Reino Ndio̱s chínuu̱?

Nákani ini ña̱ nákaún ñuyíví ñúchí káa (1:​50)

Kaʼviní ña̱ nakani iin ta̱a “Sa̱ndiʼi ndiva̱ʼo ini saʼa̱ java pregunta” jaá kande̱ʼéní ndixi ni̱kee iin activista político ni̱naniʼi̱ra ndixi nduva̱ʼa ndijaá ña̱ʼa.

“Tu̱ʼun Ndio̱s nája̱ma vida na̱yivi” (La Atalaya, 1 de enero de 2012)