Butta tenneꞌe galchchaꞌneeki ayyete?

MAXAAFI QULLICHCHI MAA HIYYA?

“Butta duuchcha fuggaalessinxxe toꞌe hunda hexxeen.”—1 Yohaanisi 5:19.

“Dabiloosinna: ‘tinni baallenna kaddo ulffini aniꞌa uwwemeꞌen, ani eeyaanekee ayyiꞌaanna uwwannon, atiꞌaanna uwwannon.’”—Luqqaasi 4:6.

TENNEꞌE EGEꞌNA ATIꞌA MAA LAꞌO AFFEꞌE?

Buttateꞌn rakko mayee birasaxxaꞌneexxa egeꞌna dandeettaton.—Leellisha Yohaanisixxa 12:12.

Butta tinni eloxxibaꞌa jijjiirendaaxxa addata dandeettaton.—1 Yohaanisi 2:17.

MAXAAFI QULLICHCHI HIYYAAKE YAADAꞌN ADDATA DANDEENNANO?

Eeti, sase buutuwwa uundo.

• Magen Seexxaniixxa galchcha balleessaan. Yihowwa, Seexxan manjininke beltoꞌn afeexxa baalle balleessateꞌe mureꞌen. Ittan Dabiloosi hedhemabaashsha assatenna kaddo huje isixxa elobaaxxa balleessateꞌe kako ageꞌen.—Ibiraawiyaane 2:14.

• Magen, Yesuusi Kirisitoosi butta tenne galchchaasha hariireꞌen. Tenne buttake galchchalo kadeꞌeki Seexxan, mararite bellokenna ummo ifika calla eeyaꞌneeken. Kaddomalee, Yesuusi uuddaxxa kini, Mageni haasoꞌa wodda ‘rakkichchakeenna hiyyeessake mararaan, hiyyeyetixxa hedho fayyissaan. Miicamakenaaꞌninna dhiibetenaaꞌn dandamaaken’ hiyyan.—Faaro 72:13, 14.

• Magen sobabaan. Maxaafi Qullichchi ‘Mageni haranga soba dandeeꞌabaaxxa’ ifissaan. (Ibiraawiyaane 6:18) Yihowwa mitte yaane kako agaa wodda muuxendeeshsha laakkoꞌa dandeennanon. (Isayaassi 55:10, 11) “Tenne buttaki galchchali shorremaan.”—Yohaanisi 12:31.