Qalli Hitaatte?

Tenne woggaxxe Heqqecatixxe Xellephoꞌn fuleeka yaaduwwa xexxeꞌachchoti yaansisseete? Eloxxen, buttiiꞌn hedheeke qortumuwwaꞌa hiissichcho hiissa dandeetattoxxa uud.

“Sammo haꞌnooxxa haaroonse” hiyyaaki yaadi wele maa asinannoxxa ifisaake? (Roome 12:2)

kunni yaadi hedho noꞌoxxi eloxxe yaanen woꞌmitaashsha asatebaꞌn caaldeexxa yaane asiyyo hasissaaxxa ifisaaken. Tinninna giddo noꞌoxxeꞌn hexxeexxa yaane qoꞌninsaanoshshanna Mageniinxe uushshoxxe hundaayyeshshan dandeessisseexxe qixxeꞌn hedho noꞌoxxeꞌn jijjiirra assaten.—w23.01, deero 8-9.

Buttateꞌn hexxeexxa yaane undanno wodda miketike kandeennexxa leellisha dandeenannoki hittate?

Taꞌa kaddaꞌneexxi yaanuwwa tinbite muuxendaashsha assitaꞌneeki hittate kaddeexxa egennonnaꞌa hansaannen. Mitunte noꞌoxxa xeeraaka tantammetika yaada haasoꞌa manniiꞌn mariꞌe noꞌoxxi, Yihowwaxxi orga qophpheesiteexxe borreessileꞌn hundeessendashsha hansaannen. (1 Qoro. 1:10)—w23.02, qo. 16.

Yesuusixxi cuuphensha hordofooleeyye isixxixxe cuuphenshabaaꞌn gargariti higgaaki hittate?

Yesuusi ilemeeki Magenokeꞌe ifi mudhdhiteexxe gosanaaꞌn kademmaxxeꞌe noꞌoshsha isi Yihowwa ifi mudhdha hasissaamabaan. Yesuusi qullichchakenna cubbo afeemake manjobaan. Tenneꞌa isi cubbote aadde aagiyyo hasissabaan.—w23.03, qo. 5.

Wel bukkiiti giddo yaada uwwaashsha gargaara dandeenannoki hittate?

Yaada noꞌoka haruunsat wel hiissaatixxa bado alfaashsha assa dandeenannon. Yaada uunanno wodda heddo beddo keꞌissa gophateꞌe xexxeꞌachcho assiyyo hasissaan. Iitta assinaannexxe kaddoole wel manji yaada uwwaaxxa beddo alfa daandeꞌaan.—w23.04, qo. 23.

Isayaasi 35:8 keꞌn kuleemeeki “qullumatiki hoꞌlichchi” maachcho ifisa?

Konne fakkeeninke hoꞌlichchixxi taakkaxxi tika Ayhuudiki ardi Baabilooniiꞌn boga ifikibaꞌa higeemmaka ora ifissaan. Taꞌa heꞌnenneke bariꞌaa maa tika afee? Qophpheeffachchotixxi huje, tinniirinna tikatixxi, Maxaafa Qullichcha maxxansatixxinna ittan wele hujuwwa 1919 wogga edi darre hedhemmake baruwwaꞌn hujendeen. Mageniinki ardi konne “qullichcha hoꞌlichchaꞌn” mootummatike badhaadhibaꞌa akeekkaaxxe manfasiinixxe gennetebaꞌn meꞌateꞌn hedheen.—w23.05, Deero 15-19.

Fakkeenniinki maxaafi hafuura adhdha 9 heene lame fakkeeninxe dubarteꞌn hundeessemeeka gorsa uwwa?

Fakkeeniinki maxaafi “hirreesiinbaꞌa” akeekkaaxxa mitte “gowwa” manjichchonna “dugaatike beekkuminni” dubartetike fakkeenna kadati “qalbeeffachchotike oraꞌninna” hedhotibaꞌa akeekkaaxxa mitte manjichchoka fakkeenna haasoꞌaan. (Fakke. 9:1, 6, 13, 18)—w23.06, Deero. 22-24.

Mageni Looxini haasoꞌee wodda ifi heeshshi assaꞌneekenna yaane qeerrise uudaꞌneeke kadeexxa leellisheeki hittate?

Yihowwa Looxiꞌi Soodomiiꞌn koobatibaꞌa baqataashsha ajajeemman. Kaddomaleꞌe Looxi Zoꞌariꞌa baqatoꞌa laqeemmaxxa yanna Mageni fedhiꞌi isiꞌa uwweemman.—w23.07, qo. 21.

Mitte miniinxi ama miniinki anni iseki pornogiraafe uudaꞌneexxe kaddoole maa assa dandeeta?

Tenne yaaneꞌa ise ifi aallatiyyo hasissabaaxxa qalli hiyyo hasissaan. Mageniki welt affeexxe mittunteꞌn miꞌlachoꞌn assanna Maxaafi Qullichchi giddo rakko gelteeꞌna dayyeeffachcho alfiteexxe dubarteke raagaꞌn alalcha hasissaan. Isenna miniinka anna iseka tenne elobaaxxe yaanenaaꞌn fulaashsha gargaara dandeettaan.—w23.08, deero 14-17.

Adde noꞌoxxa uuddaaxxeꞌn hega uushsho geltaa wodda yaane qeerrise uuda shaqqake manna kandannoshsha assitaaki hittate?

Qortumi yookiin haꞌuraaki jeejuwwi wel manji maa hedaꞌneexxanna noꞌa hitte qico hedaꞌneexxa egenannoshsha assaan. Tenneꞌa noꞌonna shaqquntet hiissichcho uwwateꞌe elo qicin kaꞌlineenneke manna kadiyyo hasissaan.—w23.09, qo. 17.

Jabeenna alfa uuddaaxxa Maariyaaminaaꞌn maachcho barantano?

Isenna Mesiyichchiinxe ama kaddaaxxa egeꞌnatenaaꞌn kexxeexxa wele manjika gargaarsa adhateꞌe fedhiitixxemman. Gabiriꞌeelinna Elisaabeexi iseꞌa manfasiinka jajjabeenna uuneemman. Noꞌonna addetike jaaluwwanaaꞌn jajjabeenna alfa dandeenannon.—w23.10, qo. 15.

Yihowwa kadha noꞌoxxa hiissaaki hittate kada dandeetta?

Yihowwa kadha noꞌoxxa laqateꞌe kako aageꞌeen ittan kadha noꞌoxxi fedhiꞌi isixxeni qabba qiconna hedaan. (Jer. 29:12) Isi wel fakkaataaxxa kadha gargarit hedheeke orini hiissaan. Kaddomaleꞌe isi duuchchini wodda noꞌo gargaaraan.—w23.11, deero 21-22.

Roome hafuura adhdha 5:2 keꞌn ifisemeeki “tasfi” higgeen Laakkoossa 4 keꞌn ifisemeeki mayeete?

Mitti manji gammachchiissaaxxa Mooummatixxa oddo laqeexxi gennete kaddeexxe buttaꞌn gammashshoti hedhatika tasfa alfa dandeꞌaan. Kaddomaleꞌe, abari geyaaꞌnaani ossoolenna Mageni eeyyaꞌneexxa addataꞌnoole tasifi isiki jabaataan.—w23.12, deero 12-13.