Maxaafa Qullichchakee maa uushsho affeete?

MAXAAFI QULLICHCHI MAA HIYYA?

“Qullitte borro duuchcha Mageninke manfassininxxe akeeten borressendeꞌexxen.”—2 Ximoottosi 3:16.

TENNEꞌE EGEꞌNA ATIꞌA MAA LAꞌO AFFEꞌE?

Rakkonna abari mayee geyaaꞌnnexxa woꞌma hissichcho aliffittaton.—Fakkeenna 2:1-5.

Hedho noꞌoxxa gammachchissaake orin akeekatee eloxxa akeete aliffinnanon.—Faaro 119:105.

Magen ediꞌa gammachchissaaxxa hedho atiꞌa uwooꞌa hasaꞌnneexxa barattatton.—Romee 15:4.

MAXAAFI QULLICHCHI HIYYAAKE YAADAꞌN ADDATA DANDEENNANO?

Eeti, sase buutuwwa uundo.

• Eriga saꞌisaaxxi weliꞌaan wel qabbaaxxen. Maxaafa Qullichcha borreseeki gargaritti hedheeke 40 manna kada wodda, borresseme muuxemeeki 1,600 wogga iima hexxexxe yannaaꞌniten. Kuni mani weliꞌaan wel afemee egeꞌneekebaan. Kaddomalee, inisaꞌne borresiineek yaad weliꞌaan wel qabaaken.

• Dhugaandin muuxemeeka raaga afeen. Heddo yanna buttatike raagixxi borressanoole gonphphe yookin dedha insaꞌneka boressitabaan. Kaddomalee, borressanoole Maxaafi Qullichchininxxi kinni dedha insaꞌneeka yookiin aradi insaꞌnekika shoꞌibello borresiiteꞌen.—2 Zeenna 36:15, 16; Faaro 51:1-4.

• Addachchisaaxxa tinbite. Maxaafi Qullichchi olimixxe Baabilooneeki qachchi baꞌaaxxa 200 wogga edi darre haasoꞌeeman. (Isayaassi 13:17-22) Tinni tinbite Baabilooniki qachchi baꞌaka ora calla kadebaangi baleessaake moottichinixxa ayyuntte summinigin kulideeman.—Isayaassi 45:1-3.

  Maxaafi Qullichchikeꞌn heddo haasoꞌendeexxi tinbite muuxendeꞌen. Yoona, tinni kada mageni borressiseꞌeke maxaafaꞌn addattanosha assitabaa?—2 Phexxiroossi 1:21.