HAFUURA ADHDHA 02
Maxaafi Qullichchi Tasfa Uwwaan
Butta duuchchaꞌn hedheeke manjoꞌn geltaꞌneexxi rakko yaandaashsha, wixixxi hinaashshanna hansha hinaashsha assitaꞌneen. Ateꞌninna iitta hedheeki jeeji futti hiyye egeꞌnee? Dedha elagophpheettexxi yookiin mitte mitte eetaatteka manna reyoti gophpheettexxi yanna hexxaan. Tennenaaꞌn kexxeexxa, ‘Ediꞌa eloxxi yanna dagandaggaa?’ hitee qorteettexxi yanna hedha dandeettaan. Maxaafi Qullichchi konne qortumiꞌa dayyeessaaka hiissichcho uwwaan.
1. Maxaafi Qullichchi tasfa anfannoshsha gargaaraaki hittate?
Gammachchiissaaxxa Maxaafi Qullichchi butta rakkoti woꞌmiteeki mayeete kaddeexxa kula calla kaddebaangi, rakko tinni yannatixxenna shiqoxxe yannaꞌn baxxaaxxa haasoꞌaan. Maxaafi Qullichchi ‘ediꞌa tennenaaꞌn caaldeexxa hedhonna tasfa’ anfeennexxa kulaan. (Erimiyaasi 29:11, 12 yaansis.) Kunni tasfi rakko dandeenne saꞌnannoshsha, yaanetee qajeelto uushsho anfannoshshanna duuchchinii wodda gammadiki heꞌnannoshsha gargaaraan.
2. Maxaafi Qullichchi ediꞌa hitta hexxeexxi yanna daggaaxxa haasoꞌa?
Maxaafi Qullichchi ediꞌa hexxeexxa yanna uuddaaxxa, “konnechchini udumiꞌa reyo hexxabaan; yaaddo, raare ittan wixixxii konnechchini udumiꞌa hexxabaan” hiyyaan. (Leellisha Yohaannisixxa 21:4 yaansis.) Taꞌixxe yannaꞌn manjiinxa hedho adde woxissaꞌneexxi rakkuwwa: hiyyumma, ille uushsho, dhibonna reyo buttatenaaꞌn baxxaan. Maxaafi Qullichchi butta Gennete kaddeeꞌnaa gammadiki baro baro heꞌnannoxxa haasoꞌaan.
3. Maxaafi Qullichchi uwwaake tasfaꞌni anfeennexxa adde jabeessedha dandeennannoki hittate?
Heddi manni ediꞌa eloxxi yaane kaddaaxxa addataan, kaddomaleꞌe, muuxensha isexxeꞌn mama afeꞌeen. Maxaafi Qullichchiinki tasfi kinni addachchiisaaken. Adde noꞌoxxa jabeessedhatee ‘Maxaafa Qullichcha adda firfirsa’ hasissaan. (Ergantooletixxa Huje 17:11) Tennee barachcho barata itti ediꞌa suffatoshshanni, Maxaafi Qullichchi ediꞌa hexxeexxa yanna uuddaaxxa haasoꞌaꞌneeki tasfi muuxemaake moo muuxemabaake kadeexxa atinni murteteꞌn geltattoshsha gargaaraan.
BAꞌLAXXA QOꞌNE
Maxaafi Qullichchi ediꞌa hexxeexxa yanna uuddaaxxa haasoꞌaꞌneeke tasfaꞌn mariꞌantannon. Taꞌixxe yannaꞌn Maxaafi Qullichchiinki tasfi manjo gargaaraꞌnee qiconna uundannon.
4. Maxaafi Qullichchi baro baro rakko belo heꞌnannoka tasfa uwweꞌeen
Buttiiꞌn hedheeka Maxaafi Qullichchiinka tasfa uudi. Konneeri giddiiꞌn muuxemeeꞌnaꞌa uudatee halchitaatteki hoonte? Mayee?
Mitti mittiinge tasfi bira hexxeexxa xiqse yaansisse, ittan qortumuwwakeꞌn mariꞌatte:
Tinni xiqse atiꞌa laꞌo affeechcho fakkaattaꞌnee? Atiki jaaluwwinnaa mini hadi konnee tasfa egeꞌneele laꞌo alfinaachcho fakkaattaꞌnee?
Konneechchinni buttiꞌa hedheeki tasfi buttateꞌn muuxemaa wodda okkoꞌo hexxetteshsha assite hedi
AYYINNA . . . |
DUUCHCHIINGI . . . |
|---|---|
|
|
|
|
|
|
|
|
|
|
5. Maxaafi Qullichchinka tasfa egeꞌna hedho noꞌoxxeꞌn jijjiirra idaggaan
Taꞌixxe yannaꞌn buttateꞌn hexxeexxi rakko heddi manni adde woxaashshanna hifataashsha assitaꞌneen. Tennenaaꞌn kexxeexxa mitti mitti manni buttateꞌn jijjiirra idagatee jabaxxa woꞌlancho assaꞌneen. Maxaafi Qullichchi ediꞌaa eloxxi yaane kaddaaxxa haasoꞌaꞌneeki tasfi, taꞌixxe yannaꞌn manjo gargaaraꞌneeki hittate kadeexxa hubat. VIIDIYO uudde, ittan buttiiꞌn hedheeke qortumuwwaꞌn mariꞌatte:
Viidiyoteꞌn uuddetteshshan Raafikaꞌa yaadissaammaxxi heene ille uushshotixxe huje?
Kaddomaleꞌe, tinni ille uushshotixxi huje baꞌa gophphoolenna Maxaafi Qullichchi iseꞌe gargaareeki hittate?
Maxaafi Qullichchi ediꞌa hexxeexxa yanna uuddaaxxa haasoꞌaꞌneeki tasfi adde wonxabeꞌnoshshanna rakko dandeenne saꞌnannoshsha gargaaraan. Fakkeenna 17:22 nna Roome 12:12 yaansisse, ittan buttiiꞌn hedheeke qortumuwwaꞌn mariꞌatte:
Maxaafi Qullichchi giddo hedheeki tasfi hedho atixxeꞌn jijjiirra idagaachcho fakkaattaꞌnee? Hitta?
MITTI MITTI MANNI IITTA HIYYAAN: “Maxaafi Qullichchi ediꞌa hexxeexxa yanna uuddaaxxa haasoꞌaꞌneeki tasfi eloken, kaddomaleꞌe, muuxemaanxa mooshi.”
Maxaafi Qullichchi haasoꞌaꞌneeki tasfi muuxemaꞌneeke kadeexxa kokeessatee qoꞌne hasisseeki mayeete?
BUKKASSA
Maxaafi Qullichchi tasfa uwwaan, kunni tasfinna ediꞌa hexxeexxi hedho gammashshotixxe kaddeexxa kulaammaxxee taꞌixxe yannaꞌn geltaꞌneexxa rakko dandeenne saꞌnannoshsha gargaaraan.
Hige Qalliyya
Tasfi manjiinke beltiꞌa hasiseeki mayeete?
Maxaafi Qullichchi ediꞌa hexxeexxa yanna uuddaaxxa maa hiyyaꞌne?
Ediꞌa eloxxi yanna daggaꞌneexxa egeꞌna atiꞌaa maa laꞌo affeꞌe?
FIRFIRSI
Tasfi taꞌixxe yannaꞌn geltaꞌneexxa rakko injifatateꞌe hunna uwwaꞌnee qico uudi.
“Tasfa—Habaaꞌn Alfa Dandeettatto?” (Dammaqqe!, Wocabbajje 22, 2004)
Tasfi bisi giddo galdeexxe dhibonni hedhaꞌnee manna gargaaraaꞌnee qico uudi.
Tennee muuziqiinxa viidiyo uuddato wodda, butta Gennete kaddeeꞌnaa atinna mini hadi atiki gammashshoti hedho hitta akeekkinaaxxa hedateꞌe woꞌlaan.
Ardakeꞌe jijjiirra idagateꞌe jabaxxa polotikiinxa leleꞌma assaammaka manjichcho, Maxaafi Qullichchiinka tasfa egeꞌna isoo hitta gargaarteexxa yaansis.
“Taꞌa Buttateꞌn Jijjiirra Idagannon Hiyye Heda Waalennen” (Heqqecatixxa Xellephpho, Ella 1, 2013)