Sɛu ṣṣber

Lemtel i ɣ-d-yeǧǧa Ɛisa

BIDYU: Ɛisa iṣber-as i gma-s

1. Wali BIDYU-YAGI neɣ ɣer-ed Yuḥenna 7:3-5 akk-d 1 Ikurintiyen 15:3, 4, 7. Mbeɛd, xemmem ɣef yesteqsiyen i d-iţeddun.

1. Amek i ḥesben watmaten n Ɛisa di tazwara ayen i gesselmad?

2. D acu i d-yeţbegginen belli Ɛisa yeţkel belli gma-s Yeɛqub yezmer ad ibeddel?

Ayen i d-nelmed sɣur Ɛisa

2. Kra ţɛeṭṭilen bac ad qeblen tideţ. Ɣef wayagi i glaq aţ-ţṣebreḍ.

Ɛaned Ɛisa

3. Ɛreḍ aţ-ţxedmeḍ akken nniḍen. Ma twalaḍ belli win umi i teţberriḥeḍ ur yewǧid ara ad yebdu taɣuri n Wedlis Iqedsen, ur t-ţḥettim ara. M’ara iwalem lḥal, ssken-as-d yiwet n bidyu neɣ yiwet si tezmamin ara t-iɛiwnen ad yefhem amek i nesɣaray Adlis Iqedsen d lfayda ara s-d-tawi tɣuri-yagi.

4. Ddu ɛlaḥsab n liḥala n mkul yiwen. Ulac sin yemdanen yeţţemcabin swaswa. Ma yella yiwen si twacult-ik neɣ albeɛḍ iɣef i trezzuḍ yugi ad iɣer Adlis Iqedsen, neɣ iwɛeṛ-as ad yeqbel yiwet ger leḥwayeǧ swayes i neţţamen, nadi aţ-ţfehmeḍ ayɣer. Ahat yeṭṭef mliḥ di ddin-is. Ahat ḥerṣen-t iɛeggalen n twacult-is neɣ lǧiran-is. Neɣ ahat yeḥwaǧ lweqt iwakken ad imeyyez ɣef wayen i s-thedṛeḍ ɣef Wedlis Iqedsen.

5. Ẓẓall ɣef ddemma n win umi i teţberriḥeḍ. Ḍleb-as i Yahwa a k-iɛiwen iwakken ur tqeṭṭɛeḍ ara layas, iwakken aţ-ţissineḍ amek ara theddṛeḍ i win umi i teţberriḥeḍ, iwakken daɣen a k-iɛiwen aţ-ţeẓreḍ ma yebɣa s ṣṣeḥ ad yissin tideţ neɣ ilaq aţ-ţḥebseḍ ur teţţuɣaleḍ ara ɣur-es (1 Ikur. 9:26).