Mahtai Kaja Ni Hpe Gara Hku Jaw Lu Ai Lam

Mahtai kaja ni gaw nawku hpung hpe madi shadaw ya ai. (Rom. 14:19) Mahtai jaw ai wa nan mung akyu lu ai. (Ga Sha. 15:23, 28) Dai majaw zuphpawng ni hta n law htum mahtai langai jaw na matu shakut ging ai. Anhte lata sharawt shagu, shaga hkrum na gaw n re. Dai majaw mahtai law law hkyen da ai gaw kaja htum re.

Mahtai kaja ngu ai gaw . . .

• asan re ai, chye na loi ai hte kadun dawk rai ra ai. Law htum gaw second 30 (sh) dai hta na yawm ra

• hti dan ai hku n re ai sha, ga tsun ai zawn htai ai gaw kaja htum re

• htai ngut sai lam ni hpe bai n ra ai sha n htai ging

Shawng shaga hkrum ai wa rai yang, . . .

• ga san a ding tawk mahtai hpe asan sha htai u

Ga san a mahtai hpe kaga wa htai ngut sai nga yang, nang galaw mai ai gaw . . .

• lakap da ai Chyum daw gaw hkaja nga ai lam hte gara hku seng ang ai hpe tsun dan u

• dai lam ni gaw anhte a prat hkrun lam hta gara hku akyu jaw ai lam tsun dan u

• dai lam ni hpe gara hku akyu jashawn mai ai hpe tsun dan u

• madung lam hpe dan dawng shangun ai mahkrum madup langai hpe kadun dawk tsun dan u