Chyum Laika Hkaja Ai Hpe Shakut Shaja Ai Wa Byin Lu Ai Lam

Daniela zawn chyam dinglik hkrum ai shaloi, nang sadi dung na kun? Daniela gaw, Karai a Mungga ni hpe shakut shaja hkaja wa ai. Dai hta myihtoi ga ni mung lawm ai. (Dan. 9:2) Chyum Laika hpe shakut hkaja ai gaw, sadi dung lu hkra karum ya lu ai. Gara hku nna kun? Yehowa a ga sadi ni teng sha byin wa na hpe grau kamsham shangun ai hku nna re. (Y.sh. 23:14) Karai Kasang hpe tsawra ai myit grau law htam wa nna, jaw ai hku galaw na matu shadut ya na re. (Shk. 97:10) Rai yang, nang galoi hpang ging ai kun? Lawu na hpaji jaw ga ni hpe dinglik yu u:

• Gara hku hkaja ra na kun? Kaja ai hkaja lamang langai hta, zuphpawng ni a matu tau hkrau shajin ai lam lawm ai. Bat shagu na Chyum hti lamang hta, tinang n chye na ai lam ni hpe aten la tam sawk sagawn na nga yang grau akyu lu na re. Dai hta n-ga, Chyum Laika myihtoi ga ni, wenyi asi ni, kasa Pawlu a sasana hkrun lam ni (sh) Yehowa a mauhpa hpan da lam ni hpe lata nna hkaja mai ai. Chyum Laika ga san hpe myit hkrup ai hte ka matsing da nna, dai hpe hpang kalang na hkaja lamang hta hkaja u.

• Chye mayu ai hpe gara kaw tam na kun? Wenyi Sut Gan Ni Hpe Sawk Sagawn Lu Na Hkingrai Ni video hpe yu nna tam u. Daniela daw kaba 7 hta lawm ai dusat ni gaw, mungkan hta n-gun ja htum mungdan ni hpe hpa majaw ga shadawn ai lam, asan sha chye na hkra hkaja u.

• Hkaja na matu aten kade daram da ging ai kun? Wenyi lam kaja na matu ayan hkaja ai gaw madung re. Aten loi mi hte sha galaw hpang mai ai. Raitim, ra wa yang gaw, matut aten la mai ai. Karai a Mungga hkaja ai gaw, makoi da ai sut gan hpe htu shaw ai hte bung ai. Sut gan ni hpe law law mu magang, grau nna tam mayu wa na re. (Ga Sh. 2:​3-6) Karai a Mungga nang grau chye wa magang, Chyum Laika ayan hkaja ai lailen nang hta nga wa na re.​​—⁠1 Pet. 2:3.

DANIELA DAW KABA 7 HTA LAWM AI DUSAT NI GAW HPA HPE MALAI TSUN AI KUN?

• 

  Dan. 7:4

• 

  Dan. 7:5

• 

  Dan. 7:6

• 

  Dan. 7:7

KAHTAP GA SAN:

Daniela 7:​8, 24 gaw gara hku hpring tsup wa ai kun?

HPANG KALANG HKAJA:

Shingran daw kaba 13 kaw na matse labye ni gaw hpa hpe malai tsun ai kun?