Shinggyim Masha Hpa Majaw Si A Ni?

8 Yawng mayawng ngwi pyaw na matu, ginding aga ting Hparadisu byin hkra, shinggyim masha ni galaw shatsawm na hpe Yehowa Karai Kasang rasharawng ai.​—⁠Ningpawt Ninghpang 1:⁠28

Adam hte Ewa Yehowa hpe madat mara ai rai yang, shinggyim masha ni htani htana asak hkrung nga lu na re. Kaja ai hte n kaja ai hpe chye ginhka shangun ai hpun hta na nan n sha lu na, nga nna shan hpe htet da ai.​—⁠Ningpawt Ninghpang 2:​15-17

9 Lamu kasa langai mi n hkru n shawp rai wa nna lapu langai mi hpe asung jashawn nhtawm Ewa hte Adam Karai Kasang hpe n madat hkra galaw ai.​—⁠Ningpawt Ninghpang 3:​1-6

10 Ewa hpe hkalem kau ai lamu kasa hpe “moi na lapu ngu ai Nat hte Satan” ngu nna shamying ai.​—⁠Shingran 12:9

11 Madat mara n nga ai shan la yan hpe, Hparadisu kaw nna Yehowa shapraw kau ai.​—⁠Ningpawt Ninghpang 3:​23, 24

12 Adam hte Ewa kashu kasha ni lu wa ma ai. Raitimung dinghku ting n pyaw ma ai.​—⁠Ningpawt Ninghpang 3:​17, 18

13 Yehowa tsun ai hte maren shanhte gumgai dingla wa nna si mat ma ai.​—⁠Ningpawt Ninghpang 3:19; Roma 5:⁠12

14 Dai majaw dusat ni hte maren sha si ma ai.

Ginding aga na Wenyi (soul) yawng si ai.​—⁠Hpaji Ningli 3:​18-20; Ezekela 18:4