N Kaja Ai Masha Ni Hpe Karai Kasang Kalang Bai Jahten Kau Na Kun?
22 Dai ni na masha ni mung grai n kaja ma ai. Kaning re ai n shawp n kap lam hpe ndai kaw galaw nga ma ni?
23 N kau mi masha sat ma ai. Ndai zawn hkum galaw mu, nga nna Karai Kasang tsun da ai.—Pru mat 20:13; 1 Yawhan 3:11, 12
24 N kau mi lagu ma ai. N mai lagu ai, nga nna Karai Kasang tsun da ai.—Pru mat 20:15; Ehpesu 4:28
25 Masha n kau mi num law law la ma ai. N kau mi num kaji ni la nna nta kaga hta tawn nna ganawn ma ai. N kau mi n hkungran ai sha rau ganawn nga ma ai. Ndai lam yawng Chyum laika hta htet da ai hte, n htan shai ai.—Mahte 19:4-6; 1 Korinhtu 7:1-4; 1 Timohti 3:1, 2
26 Karai Kasang gaw Adam hpe madu jan langai sha jaw da ai lam, nang myit dum a ni?—Ningpawt Ninghpang 2:22, 24
27 N kau mi gawngngu sumla hpe nawku ma ai. Nawku ai lam hta hkrang sumla n mai lang ai, nga nna Karai Kasang tsun da ai.—Pru mat 20:4, 5; Esaia 44:9-17; 1 Yawhan 5:21
28 Akyang lailen n galai kau ai n kaja ai masha ni hpe, Yehowa jahten kau na ra ai.—Shakawn Kungdawn 37:9, 10; Luka 13:5; 1 Korinhtu 6:9, 10