Nang Hpa Baw Galaw Ra A Ni?
50 Tsawm la ai Hparadisu hta nang tut nawng e nga mayu a ni?
Nga mayu yang Karai Kasang a Mungga hpe grau nna sharin la u. Chyum laika chye hti hkra shakut u.—Yawhan 17:3; Shingran 1:3
51 Yesu a lam hpe grau nna sharin la u.—Tara Jahprang 18:18, 19; Yawhan 3:16; Kasa 3:19-23
52 Kaja ai amu sha galaw na hte Yehowa hpe madat mara na matu, shakut u.—Roma 6:17, 18, 22
53 Masha hkum sat mu, nga nna Yehowa htet da ai hpe n mai malap kau ai.—Pru mat 20:13; 1 Yawhan 3:11, 12
54 Manang wa a arung arai hpe hkum la mu.—Pru mat 20:15; Ehpesu 4:28
55 La sha gaw tinang a madu jan hte sha n rai yang, num kaga hte rau n mai nga ai, n mai yup ai.—Pru mat 20:14, 17; 1 Htesaloni 4:3
56 La langai mi num kade la na ahkang Karai Kasang jaw da ai hpe myit dum a ni? Madu wa gaw tinang a madu jan hte kade daram na hkra rau nga ra a ni?—Ningpawt Ninghpang 2:22, 24; Mahte 19:5, 6; 1 Korinhtu 7:2, 10, 11
57 Yehowa hpe chyu sha nawku ra ai lam hpe mung matsing u.—Mahte 4:10; 1 Korinhtu 8:6
58 Gawngngu sumla ni gaw anhte hpe nlu garum ai. Hpa majaw kun?—1 Korinhtu 8:4
Gawngngu sumla ni tawn da mai a ni?—Tara Jahprang 27:15; 1 Yawhan 5:21
59 Lak hpoi hpaji, lawng dat ai lam hpa majaw n kaja a ni?—Tara Jahprang 18:10-13; Shingran 21:8
60 N kaja ai lamu kasa ni, shing nrai nat matse ni gaw Karai Kasang hpe gumlau ma ai. Gumhpan hpan chye ai ni hpe lang nna masha ni hpe lam shadam ma ai.—Kasa 16:16
61 Anhte Karai Kasang kaw akyu hpyi ra ai. Akyu hpyi ai ngu ai gaw, Karai Kasang hte aga shaga ai, shi hpe nawku mayu ai lam tsun dan ai hte, shi a garum shing tau lam hpyi la ai re.—Hpilipi 4:6, 7
62 Yesu hpe madat mara nna shi hpe kam sham ra ai.—Hebre 5:9; Yawhan 3:16
63 Anhte hpe hkye la na matu si hkam ai hpe myit dum u.—Roma 5:8
64 Yesu gaw myi hte n mu lu ai anhte a Hkawhkam re. Shi a ga hpe madat mara ra ai.—Hpilipi 2:9-11; Shingran 19:16
65 Tinang chye la ai, kaja ai lam, kaga ni hpe tsun dan n htawm Karai Kasang hpe nawku mayu ai ni gaw hkalup hkam la ra ai, nga nna Yesu tsun ai.—Mahte 28:19, 20; Yawhan 4:7-15
66 Dai majaw ndai mai kaja ai lam ni, na a jinghku ni hpe tsun dan u.—Mahte 10:32
67 Atsawm sha chye hti hkra sharin la yang nang law law sharin hkam la lu na sha n ga, kaga ni hpe mung tang du hkra grau lu garum ya na re.—2 Timohti 2:15
68 Ma kaji ni mung Karai Kasang hpe madat mara na matu, Yesu sharin ya ai. Shanhte hte ga n rau shaga hkra nnga ai.—Mahte 19:13-15
69 Karai Kasang hpe madat mara na matu hte, shi hpe tsaw ra hkra, kanu kawa ni shanhte a kasha ni hpe galoi mung sharin ya ra ai.—Tara Jahprang 6:6, 7; Ga shagawp 6:20-22; Ehpesu 6:4
70 Church nawku jawng law law nga ai. Shanhte sharin ya ai tara law malawng gaw Chyum laika kaw na n re. Teng man ai tara n sharin ya ai nawku hpung kaw na anhte hpe Yehowa pru wa shangun ai.—Shingran 18:4; Yawhan 4:23, 24
71 Ginding aga hta shi a lam nang hpe grau lu sharin ya ai, masha ni Yehowa lu ai. Shanhte kadai ni rai ma ai hpe nang chye a ni?—Kasa 15:14; Roma 10:14, 15
72 Shanhte gaw Yehowa a Sakse ni rai ma ai. Shanhte hta ngwi pyaw simsa lam nga ai. Hpa majaw re a ni? Shada da tsaw ra hkat ai majaw re.—Esaia 43:10-12; Yawhan 13:34, 35
73 Yehowa hpe mung tsaw ra ai majaw hkalup hkam la ma ai. N kaja ai asak hkrung lam hpe kau da sai, Karai Kasang a amu hpe gun hpai sai, nga nna shawa masha yawng a man e, madun dan ma ai.—Kasa 2:41
Yehowa Sakse ni gaw tsawm la ai Hparadisu ningnan hta, asak hkrung na hpe myit mada ma ai.—Shakawn Kungdawn 37:9-11, 29
74 Shanhte hte rau dai shara hta nga lu na matu, nang hpa baw galaw ra a ni?—Yaku 1:22, 25; 2:20-26
75 Yehowa a amu gun hpai chye na matu, shanhte hte matut u. Yehowa hte Hkristu Yesu hpe tsaw ra nna madat mara ma ai. Nang mung tsaw ra a ni? Karai Kasang a lam hpe kaga masha ni chye wa hkra nang garum ya mayu a ni?—Yawhan 6:45-47
76 Yehowa hte Hkristu Yesu nang hpe tsaw ra nna Hparadisu hta tut nawng e nga shangun mayu ma ai.—Yawhan 3:16
Ndai laika buk kaji hta rawng ai lam ni, sumla ni hpe nang myit sawn yu sai re majaw, ginding aga hta ngwi pyaw ai hte, tut nawng e nga mayu ai myit nang hta, teng teng paw pru wa na re. Ndai lam ni hpe grau nna chye chyang la mayu yang, na a bu ga na Yehowa Sakse langai ngai kaw, hkrum dup san la u. Shing n rai ndai laika buk kaji na laika man lahkawng hta rawng ai hkring dat ni hta na, nang hte grau ni ai rung langai ngai kaw, nang hkum nan raitimung, marai langai ngai hpe lai ka ka shangun nna raitim, matut mahkai la u.