Hkye La Madu Langai Mi Hpe Yehowa Jaw Ya Ai

29 Karai Kasang hpan da ai shawng ningnan na Wenyi gaw, shi a kasha alat nan re.

Karai Kasang gaw shi hpe grai tsaw ra ai. N kaja ai masha ni hpe jahten kau na hte, madat mara ai ni hpe hkye la na matu, shi hpe asung jashawn na ra ai.​—⁠Yawhan 3:​16, 36

30 Yehowa gaw shi a Kasha hpe ga ningtsa de shangai wa na matu shangun dat ai. Yesu ngu nna amying shamying ai. Shi a kanu gaw Mari re.​—⁠Luka 1:​30-35

31 Yesu asak kaba wa ai shaloi, kaja ai lam law law sharin ya ai. Yehowa chyu sha teng man ai Karai Kasang re, nga nna sharin ya ai.​—⁠Marku 12:​29, 30

Yehowa hpe chyu sha nawku ra ai, nga nna Yesu tsun ai.​—⁠Mahte 4:10; Yawhan 4:​23, 24

Masha ni hpe Yehowa a mungdan lam mung sharin ya ai.​—⁠Luka 17:​20, 21

32 Machyi ai masha ni hpe Yesu shamai ya nna, kaja ai amu law law hpe galaw ai. N kaja ai amu ni n galaw ai.​—⁠Kasa 10:⁠38; 1 Petru 2:​21, 22

Yubak mara hte si ai lam kaw na, shi anhte hpe gara hku hkye la na kun?

33 Kaja ai masha ni hpe hkye la na matu, Karai Kasang kaw shi shagu hkungga nawng ra ai. Moi shawng de dusat shagu hkungga nawng ya na lam, masha ni hpe Karai Kasang tsun ai.​—⁠Hebre 7:​25, 27

34 Dusat Shagu hkungga Yesu n nawng ya ai. Anhte a matu shi a hkum hpe shagu hkungga nawng ya ai.​—⁠Mahte 20:28; Hebre 10:⁠12

Hpa majaw re ai hpe nang chye a ni?