Hkaw Tsun Bungli Hta jw.org Hpe Jailang U—“Yehowa A Jinghku Byin U”

jw.org Web site a “Chyum Laika Sharin Lam Ni” ngu ai hta, ma ni a matu “Yehowa A Jinghku Byin U” ngu ai daw lawm ai. Dai hta mahkawn ni, video ni hte kaga hkaja mai ai lam ni hpe mu lu na. Hkaw tsun bungli hta ndai daw hpe jailang nga ai kun? Ma nga ai kanu kawa langai hte Chyum Laika sharin nga ai rai yang, shi hpe, dai daw hpaw dan u. Rai yang she, anhte a Web site hta lawm ai kaga daw ni hpe mung, shi yu mayu wa na re.

Hpunau langai gaw, num langai hpe Mungdan Shiga No. 38, garan ngut ai hte, shi kalang ta hti ai. Shi kasha ni mung, dai garan laika hpe, grai myit lawm ai hte hti ai. Dai shaloi, dai hpunau gaw garan laika hta lawm ai lam hpe, kadun dawk bawngban nna, garan laika a shingdu kaw nna, Web site hkring dat hpe madun dat ai. Dai num myit lawm ai hpe mu ai shaloi, hpunau gaw, shi hte shi ma ni hpe phone kaw nna, Aung Aung video hpe hpaw dan ai.

Nauna langai gaw, bungli manang ma kanu hpe anhte a Web site hta lawm ai dinghku a matu, karum shingtau ngu ai daw hpe tsun dan dat ai. Shi gaw ma ni hte rau jw.org Web site hpe hpaw yu ai. Dai hpang, shi ma ni gaw “Yehowa A Jinghku Byin U” ngu ai daw hta lawm ai “Mungga hpe hkaw u” ngu ai mahkawn hkawn nga ai ngu, nauna hpe tsun dan ai.

jw.org Web site hta lawm ai ndai daw hpe, atsawm chye hkra galaw u. Ndai daw hta lawm ai video, mahkawn, hkaja mai ai lam ni kaw nna langai ngai hpe, na a phone hta bang da u. Rai yang, hkaw tsun bungli hta, jw.org Web site a ndai daw hpe jailang na matu, jin jin rai nga na re. Madu a magam bungli hpe shakut galaw na matu, Web site a ndai daw gaw, kaja wa asung shang ai n re i?—Kas. 20:19.