JW.ORG Hta Shani Shagu A Matu Nyan Hpaji Hpe Tam U

Ndai jahtum aten na chyam dinglik lam ni hpe tawt lai lu na matu, ra ai lam yawng hpe Karai a Mungga gaw jaw lu ai. (2Tm 3:1, 16, 17) Raitim, masa lam ni hpe hparan lu na matu, karum ya ai Chyum Laika npawt tara ni hpe tam ra ai. Ga shadawn, nang gaw kashu kasha ni hpe bau maka na matu nyan hpaji tam nga ai kun? Makam masham chyam dinglik hkrum nga ai ramma kun? Ningrum ningtau n nga mat ai shingkra (sh) gaida kun? Dai lam ni hte kaga masa lam ni a matu, Chyum Laika npawt tara ni hpe jw.org hta tam mu na re.​—Gsh 2:3-6.

jw.org a home page kaw na CHYUM LAIKA SHARIN YA AI LAM NI ngu ai hpe dip u. (Sumla 1 hpe yu u.) Lawu hta mu lu ai jahpan kaw na, nang myit lawm ai lam hpe lata u. Shing nrai, LAIKA DUM > MATUT MANOI SUMHPA NI hpe dip nna nang ra ai lam hpe lata u. (Sumla 2 hpe yu u.) JW Librarya hta mung dai hte maren tam mai ai. Dai hta lawm ai sumhpa ni hpe yu ai hte sha pyi, nang myit lawm na re. Kaga galaw mai ai lam langai gaw, jw.org kaw na tam ngu ai lawk hta, chye mayu ai lam hpe ka bang nna tam mai ai.

Lawu na ga baw ni hpe tam ngu ai lawk hta kayat bang ai hku nna, nang hti mayu ai sumhpa ni hpe matsing la u.

• Ma ni hpe bau maka ai

• Ramma ni myit daw ai

• Ningrum ningtau n nga mat ai