Marai Rawng Shangun Ai Mungdan Mahkawn Ni

Pawlu hte Sila gaw htawng rawng nga ai shaloi, Karai Kasang hpe mahkawn hte shakawn wa ai. (Kasa 16:25) Dai ni aten hta mung, Nazi Germany ni a zingri shara re ai Sazenhausen camp hte Siberia de sa kau hkrum ai aten ni hta hpunau nauna ni gaw, Mungdan mahkawn ni hpe mahkawn wa ai. Mahkawn ni gaw, tsin-yam hkrum ai Hkristan ni hpe nden marai jaw lu ai hpe madun nga ai.

Yehowa hpe “Kabu Gara Let Mahkawn Mangoi” mying nga ai mahkawn buk ningnan hpe amyu ga law law hte lu wa sana re. Dai hpe lu ai shaloi, dinghku nawku hta shaman na matu shakut ging ai. (Ehp. 5:19) Rai yang, mayak mahkak hkrum ai aten hta chyoi pra ai wenyi gaw, mahkawn ni hpe bai dum hkra karum ya na re. Mungdan mahkawn ni gaw, myit mada lam hpe myit maju jung lu hkra karum ya ai. Anhte chyam dinglik hkrum ai shaloi n-gun jaw ya ai. Myit pyaw nga ai aten hta mung n-gun jaw ai mahkawn ga ni hte Yehowa hpe “kabu gara” let shakawn lu ai. (1 Hk.La 15:16; Shk. 33:1-3) Anhte a Mungdan mahkawn ni hpe atsawm akyu jashawn ga.

N-Gun Rawng Shangun Ai Mahkawn Langai Video Hpe Yu Ngut Ai Hpang, Lawu Na Ga San Ni Hpe Htai U:

• Hpunau Hparaw gaw gara masa ni a majaw mahkawn shalat na matu byin wa ai kun?

• Zingri shara re ai Sazenhausen hta du nga ai hpunau nauna ni hpe mahkawn gaw gara hku n-gun jaw wa ai kun?

• Shani shagu na gara masa ni hta Mungdan mahkawn ni gaw nang hpe n-gun jaw a ta?

• Gara Mungdan mahkawn hpe matsing a ta?