Sawk Sagawn Na Matu Hpaji Jaw Ga

Shakawn Mahkawn Ni Hpe Matsing Hkra Galaw U

“Myit nau n pyaw ai shani ni hta JW TV lamang na mahkawn ni kaw na Yehowa ngai hpe n-gun jaw ai.”—Loring, Amerikan Mungdan.

Karai hpe shakawn na matu Hkristan ni shakawn mahkawn hkawn ma ai. (Kol 3:16) Matsing hkra galaw da yang, mahkawn buk n nga ai aten, electronic hkingrai n nga ai aten hta pyi lu mahkawn na re. Mahkawn ni hpe matsing hkra, ndai ladat ni hpe chyam yu u.

• Lachyum hpe chye na hkra ga si ni hpe atsawm hti u. Lachyum chye na yang, matsing na matu grau loi ai. JW mahkawn raitim, ma ni a matu mahkawn raitim, mahkawn ga si ni jw.org hta nga ai. Laika Dum npu na, Yungwi hta yu u.

• Maisau pa hta mahkawn ga si ni hpe ka u. Ka ai gaw, grau matsing shangun ai.—Trj 17:20.

• Nsen shapraw nna shaman u. Mahkawn hpe law law hti u, mahkawn u.

• Kade daram matsing ai hpe bai jep yu u. Mahkawn ga si hpe n yu ai sha, matsing hkra galaw u. Kade daram matsing ai hpe bai jep yu u.