KARAI A MUNGGA KAW NA SUT GAN NI | YEREMIA 51-52
Yehowa Tsun Ai Ga Yawng Hpring Tsup Wa
Yehowa gaw htawm hpang a mabyin ni hpe tup hkrak tau hkrau tsun wa
Persi hkawseng hpe sin ai ndan gap ai wa
“Pala ni hpe garang mu”
51:11, 28
Medi hte Persi masha ni gaw ndan gap ai hta grai kungkyang ai ni rai nna, dai gaw shanhte a madung laknak re. Shanhte a pala ni hpe dinghkren shang lu hkra garang da
“Babelon mare na share ninghkrin ni gaw, hpyen n gasat hkraw ai”
51:30
Nabonidat labau matsing hta: “Kuru hpyen dap gaw n gasat ra ai sha Babelon de shang wa ai” ngu nna tsun da ai. Ndai lam gaw Yeremia a myihtoi ga hte bung nna nhtan shai ai lam n nga
Nabonidat labau matsing
“Babelon mare gaw marawng marang [hte] prat dingsa shingran katsi ai shara, tai na ra ai”
51:37, 62
B.C. 539 kaw nna Babelon a arawng sadang n nga mat sai. Galu Kaba Ai Aletzanda gaw Babelon hpe shi a mare galaw na matu yaw shada da ai raitim, akajawng sha si mat ai. Hkristan prat hpang wa ai aten hta Yuda masha ni dai kaw naw nga ai majaw, kasa Petru gaw Babelon de sa kawan wa ai. Raitim, tsaban 4 hta dai mare gaw htenza wa nna, kadai mung n nga ai shara byin wa