HKRISTAN PRAT HKRUN LAM

Anhte A Sharin Achyin Ya Lu Ai Hkingrai Ni Hpe Atsawm Akyu Jashawn U

Chyum Laika hte brochure lang nna, la langai hpe sakse hkam nga

Sape shatai ai bungli gaw, nta langai gap ai hte bung ai. Atsawm gap lu na matu, hkingrai ni hpe atsawm chye lang hkra sharin la ra ai. Laksan hku nna, anhte a madung hkingrai re ai Karai a Mungga hpe, jailang ai hta atsam rawt jat ra ai. (2Tm 2:15) Sharin Achyin Ya Lu Ai Hkingrai ni hta na, laili laika ni hte video ni hpe sape shatai lu hkra yaw shada let, akyu jashawn ra ai.a

Anhte a Sharin Achyin Hkingrai ni hpe lang ai hta rawt jat hkra, gara hku galaw na kun? (1) Karum lu na matu, na a hkaw tsun magam lawk hpa awn hpe san u, (2) mahkrum madup nga ai hkaw tsun masha (sh) ningshawng ni hte rau galaw u (3) kahtap kahtap shaman u. Ndai laili laika ni hte video ni hpe nang grau chye lang magang, wenyi lam gawgap ai hta nang grau pyaw wa na re.

BROCHURE NI

Karai Kasang A Ga Madat Nna Htani Htana Asak Hkrung U

Ya Aten Hta Yehowa Myit Ra Ai Hpe Kadai Ni Galaw Nga A Ta?

LAIKA BUK NI

Chyum Laika Anhte Hpe Hpa Sharin Ya Ai Kun?

Karai Kasang A N-Gaw Nwai Ai Myit Hta A Nga Nga Mu

GARAN LAIKA NI

Chyum Laika hpe nang gara hku mu mada ai rai?

Htawm hpang prat hpe nang gara hku mu mada ai rai?

Ngwi pyaw ai kun dinghku hpe gara hku lu la mai na ta?

Yakhkak jamjau ai lam ni htum mat na kun?

Si mat ai masha ni bai hkrung rawt wa na kun?

Prat hte seng ai ga san ni a mahtai ni gara kaw nga a ta?

VIDEO NI

Chyum Laika hpe hpa majaw hkaja ra ai kun?

Chyum Laika sharin ai lamang hpe gara hku galaw a ta?

Yehowa Sakse Ni—⁠⁠Anhte gaw kadai ni rai ta?

SAW SHAGA LAIKA NI

MATUT MAHKAI CARD NI

a Laksan Shawa masha ni a matu, ka da ai laili laika nkau mi hpe Sharin Achyin Ya Lu Ai Hkingrai ni hta n mu lu sai. Raitim, dai ni hpe htap htuk ai aten hta lang mai ai.