HKRISTAN PRAT HKRUN LAM
Lawt A Madu Jan Hpe Dum Nga Mu
Lawt a madu jan gaw, hprawng nga ninglen hpa majaw kayin yu dat ai kun? Chyum Laika hta n tsun da ai. (Nin 19:17, 26) Yesu sadi jaw ai hku nga yang, shi tawn kau da ai arai ni hpe ra marin ai majaw byin mai ai. (Luk 17:31, 32) Lawt a madu jan zawn, Karai Kasang a sharawng awng ai lam n sum mat hkra, gara hku koi lu na kun? Anhte a matu, arung arai gaw ahkyak htum byin wa hkra ahkang n mai jaw ai. “Karai Kasang hpe mung, mungkan a sut gan hpe mung, rau chyang lu na myit dai n rai” ngu nna Yesu sharin ya wa ai. (Mat 6:24) Arung arai ni gaw anhte hpe wenyi lam kaw na, lam shai shangun wa ai hpe sadi hkrup yang anhte hpa galaw na kun? Anhte galai shai ra na ni hpe chye hkra, galaw lu na matu nden marai ni lu hkra, Yehowa kaw anhte akyu hpyi mai ai.
LAWT A MADU JAN HPE DUM NGA MU, NGU AI DAW MASUM LAWM AI VIDEO HPE YU NNA, LAWU NA GA SAN NI HPE MAHTAI TAM U:
Nye a arawn alai hte “Lawt a madu jan hpe dum” nga ai lam, gara hku madun lu na kun?
Gumhpraw grau tam na matu, atik anang shadut hkrum ai gaw, Gloria a myit ai, tsun ai, galaw ai lam ni hta gara hku shingkang ka-up wa ai kun?
Lawt a madu jan a mabyin gaw, dai ni na anhte hpe gara hku sadi jaw ai kun?
Chyum Laika npawt tara ni hpe hkan sa ai gaw, Joe hte shi a nta masha ni hpe gara hku karum ya wa ai kun?
Anna a bungli manang ni gaw, shi a wenyi lam hpe gara hku byin shangun ai kun?
Gumhpraw grau tam na matu, atik anang shadut hkrum yang, hpa majaw nden marai nga ra ai kun?
Brian hte Gloria gaw, wenyi lam hpe kalang bai, gara hku ahkyak shatai wa ai kun?
Ndai video hta gara Chyum Laika npawt tara ni hpe, nang mu hkrup wa ai kun?