November Shata Hta Karai Kasang A Mungdan Hpe Ndau Shana Na Laksan Kemping

Yesu gaw “Karai Kasang mungdan a kabu gara shi ga” hpe hkaw tsun wa ai. (Luk 4:43) Dai Mungdan a matu akyu hpyi mu ngu nna mung sharin ya wa ai. (Mat 6:9, 10) November shata hta Karai Kasang A Mungdan a lam hpe hkaw tsun na matu shakut shaja ga. (Mat 24:14) Kemping hta law law shang lawm lu hkra chyarang ni galaw da u. November shata hta hkying hkum 30 (sh) 50 hpe lata nna, aten kadun ningshawng galaw mai ai.

Hkaw tsun lawk hta dang lu ai made, masha law law hpe Karai A Mungdan hte seng ai chyum daw langai hpe hti dan u. Chyum daw lata ai shaloi, madat nga ai ni a nawku htung hte seng nna myit yu u. Marai langai ngai gaw, shawng nnan hkrum ai shaloi myit lawm ai lam madun yang, shawa a matu shapraw da ai Sin Langchyi-BU 2020 No. 2 hpe jaw u. Dai hpang, myit lawm ai wa hpang de lawan ladan bai sa kawan u. Sharin Achyin Hkingrai Ni hta na laika langai hte Chyum Laika sharin hpang lu hkra shakut u. Karai Kasang A Mungdan hpe ninghkap ai asuya yawng hpe jahten na aten grai ni nga sai. (Dan 2:44; 1Ko 15:24, 25) Dai majaw, Yehowa hte shi a Mungdan hpe sadi dung ai lam madun na matu, ndai laksan ahkaw ahkang hta law law shang lawm ga!