Grai Kaja Ai Mungkan Du Hkyen Sai Kabu Gara Shiga Hpe Tsun Dan U!

November shata laman, grai kaja ai mungdan du hkyen sai kabu gara shiga hpe, laksan hku nna hkaw tsun mat na re. (Shk 37:10, 11; Shr 21:3-5) Ndai kemping hta hpring tup shang lawm lu hkra shajin da u. Lama na, ndai shata hta aten kadun ningshawng galaw yang, hkying hkum 30 (sh) 50 bang na matu lata mai ai.

Dang lu ai made, masha law law hpe mungkan nnan hte seng ai, chyum daw langai tsun dan lu hkra shajin da u. Chyum daw lata ai shaloi, na a hkaw tsun lawk kaw na masha ni ra sharawng na chyum daw hpe lata u. Hkaw tsun ten hta myit lawm ai lam madun ai wa hpe, shawa Sin Langchyi No. 2 2021 hpe garan u. Matut myit lawm ai lam madun yang, Htani Htana Ngwi Pyaw Ai Prat! brochure hte chyum ga sharin hpang u. “Shiga kaja gun nna, ngwi pyaw ai lam” hkaw tsun ai hta hpring tup shang lawm ai gaw kabu hpa re!—Esa 52:7.

MUNGKAN NNAN DU HKYEN SAI JW MAHKAWN VIDEO HPE YU NNA LAWU NA GA SAN NI HPE HTAI U:

• Numsha langai gaw laklai ai gara htawm hpang prat hpe shingran yu taw ai kun?

• Mungkan nnan a gara shaman chyeju ni hpe nang grau lu mayu ai kun?

• Na a myit mada lam hpe sumru yu ai gaw, November hta galaw na kemping kaw hpring tup shang lawm lu hkra shajin da na matu gara hku karum ya ai kun?—Luk 6:45