Chyum Laika Hkaja Video Ni Hpe Akyu Jashawn Ai Lam

Anhte hta hkaw tsun bungli kaw lang na matu Chyum Laika hkaja video 4 nga ai. Langai hpra a yaw shada lam gaw hpa rai kun?

• 

  Chyum Laika Hpe Hpa Majaw Hkaja Ra Ai Kun?​—Galu video gaw, gara hpung masha mi rai rai, Chyum Laika hpe grau myit lawm wa hkra lajang da ya ai. Yu ai ni hpe prat hte seng nna, ahkyak ai ga san ni a mahtai hte kam mai ai mahtai ni hpe Chyum Laika hta tam na matu shadut ya ai. Chyum Laika hkaja lamang hpe, gara hku hpyi shawn mai ai hpe mung sanglang da ai.

• 

  Chyum Laika Hpe Hpa Majaw Hkaja Ra Ai Kun? (kadun) gaw, video galu hte bung ai raitim, htam masum hta na htam mi daram sha galaw da ya ai. Dai hpe bungli law ai lawk kaw na masha ni hpe madun yang grau akyu nga na re.

• 

  Chyum Laika Sharin Ai Lamang Hpe Gara Hku Galaw A Ta? video gaw, manu jahpu n jaw ra ai Chyum Laika hkaja lamang hpe myit lawm wa hkra shadut ya ai. Hkaja lamang hpe gara hku hpyi shawn mai ai lam hte hpawn, san chye ai ga san nkau a mahtai lu hkra karum ya ai.

• 

  Chyum Laika Hkaja Na Matu Saw Shaga Ai video gaw, chyum ga sharin ni hpe madun na matu lajang da ya ai. Htani Htana Ngwi Pyaw Ai Prat! laika buk a laika man 2 hta shachyen da ya tim, Htani Htana Ngwi Pyaw Ai Prat! brochure hte bawngban ai aten hta mung madun ya mai ai. Video gaw laika buk a malawm ni hte hkaja nga ai shaloi, chyum ga sharin chye ging ai lam hpe tsun dan da ai.

Video langai hpra hpe yaw shada lam laksan hte lajang da tim, htap htuk yang dai video ni hpe madun mai ai (sh) sa ya mai ai. Hkaw tsun magam hta dai ni hpe atsawm akyu jashawn na matu hte atsawm chye chyang da na matu hkaw tsun masha ni shadut hkrum ai.